Troăng ki tơdjêp pơla [uôn Yông [ă tíu xiâm cheăm Ea Drơng a tơring }ư\ Mgar, kong pơlê Dak Lak, xo\n lối 3 km, hiăng tôh [ê tông tơdrăng le\m. Péa pâ troăng kuăn pơlê pêt hên reăng, loăng pro mơnâ ngăn. Jâ H’Blong Mlô, a [uôn Yông ăm ‘nâi, 2 hơnăm hdrối nah, châ tơnêi têa to\ng kum ăm xơmong, prêi, hmốu, kuăn pơlê kum dêi hâi pêi cheăng pro troăng [ê tông, tơdroăng ki prôk lăm tơ’lêi hlâu, pơlê, cheăm hiăng hơ’leh khât:

‘’Hdrối nah tá hâi ai troăng, kuăn pơlê a [uôn Yông prôk lăm gá tơpá khât, malối cho a rơnó mê hngê ôh tá chiâng prôk lăm, yă tê mâu kế tơmeăm pêi lo ing chiâk deăng vâi rôe rơpâ, rơpo\ng kơtiê tung pơlê hên. Sap ing troăng hiăng châ pro klêi mê troăng prôk tơ’lêi hlâu, vâi krâ  nho\ng o ngin mơ-eăm pêi cheăng kâ vâ hluăn ing kơtiê, sap ing mê pêi lo liăn dêi vâi krâ  nho\ng o hiăng tâk hên rơtế [ă dêi rơpó mơjiâng tơdroăng rêh ối le\m tro, mơjiâng pơlê cheăm hơ’leh nếo’’.

Troăng bê tong tung thôn nếo pro a [uôn Yông, cheăm Ea Drơng, tơring C|ư Mgar

Pôa Nguyễn Xuân Diện, kăn hnê ngăn Vi [an cheăm Ea Drơng, tơring }ư\ Mgar, ăm ‘nâi, cheăm mơnhên tơdroăng ki mơjiâng thôn pơlê nếó mơdêk cheăng kâ rêh ối pơlê pơla mê tơdroăng ki hdrối tâ athế ‘mâi rơnêu troăng prôk. {ă ivá mơ-eăm dêi khu kăn pơkuâ rơtế [ă kuăn pơlê, klêi kơ’nâi vâ chê 10 hơnăm pêi pro tơdroăng mơjiâng thôn pơlê nếó, troh nôkố 98% troăng prôk tung thôn, pơlê, a mâu hơlâ troăng hiăng châ ok [ê tong.

Troăng prôk dêi cheăm xuân hiăng tơdrăng le\m [ă mâu kơpong ki achê. Cheăng kâ tê mơdró, tơdroăng rêh ối dêi kuăn pơlê rế hía rế châ mơdêk:

‘’Tâng pơchông [ă hdrối hơnăm 2015, tơdroăng ki prôk lăm dêi vâi krâ nho\ng o kuăn pơlê tung cheăm pá khât, la troh nôkố tâi tâng mâu troăng prôk ki xiâm dêi thôn, pơlê [ă troăng sap ing cheăm tơdjêp [ă mâu thôn, pơlê hiăng châ ok [ê tong. Drêng mơnhông mơdêk pro troăng mê ngiâ méa thôn, pơlê, kơpong pơlê, cheăm hiăng hlo hơ’lêh khât. Hơnăm 2016, kơxo# rơpo\ng kơtiê ai 9% la nôkố ối 4%’’.

Troăng prôk le\m pro xiâm vâ mơnhông cheăng kâ –rêh ối a kơpong thôn pơlê Dak Lak rế xông tơ-[rê.

Tiô pôa Phạm Quang Mười, kăn pơkuâ [ơrô ngăn chiâk deăng [ă mơnhông thôn pơlê tơring }ư\ Mgar tối, tung pơla hdrối kố nah, tơdroăng ki tâi tâng kuăn pơlê veăng pleăng tơnêi, kum hâi liăn, kum hâi pêi cheăng pro troăng tung thôn pơlê hlo kơhnâ khât. Rơtế [ă ivá veăng to\ng kum ‘no liăn cheăng dêi Tơnêi têa, lối hr^ng to troăng prôk tung thôn pơlê, hiăng châ mơjiâng pro.

Nôkố tâi tâng mâu cheăm hiăng pêi klêi tơdroăng pơkâ ‘na pro troăng prôk tung mơjiâng thôn pơlê nếo. Tơring }ư\ Mgar mơ-eăm troh mơ’nui hơnăm 2020 kô pêi klêi thôn pơlê nếo:

‘’Hluâ 10 hơnăm mơjiâng, Khu hnê mơhno cheăng thôn pơlê nếo dêi tơring xuân mơnhên tơdroăng ki mơjiâng tơdroăng pơkâ kơxo# 2 cho rah xo kơjo kơxo# 1 vâ pêi pro. Klêi mê, ai tơdroăng ki to\ng kum dêi Chin phuh, kơxo# liăn xo dêi Vi [an hnê ngăn tơring tơdrêng amê hnối mơhnhôk veăng tơlo dêi kuăn pơlê mê mâu troăng prôk ki xiâm tung thôn, pơlê, troăng ki prôk ngi klâng hiăng châ ok [ê tong, pro tơ’lêi hlâu ăm vâi krâ nho\ng o prôk lăm, mơnhông mơdêk chăng kâ. Ngiâ méa thôn pơlê nếo hiăng hlo hơ’lêh khât’’.

Troh nôkô, kuăn pơlê Dak Lak hiăng rơtế ‘no ivá pro vâ chê 17.000km troăng prôk tung thôn, pơlê

Tiô riân ngăn dêi {ơrô xing xoăng tơdroăng cheăng ki mơjiâng thôn pơlê nếo kong pơlê Dak Lak, troh nôkố, hiăng ai 63/152 to cheăm pêi klêi pơkâ kơxo# 2 ‘na troăng prôk tung thôn pơlê. Ki nhên, lâp kong pơlê hiăng pro klêi 16.730 km troăng [ê tong troăng thôn pơlê, 433 to kông ăm kuăn pơlê prôk lăm. Tâi tâng kơxo# liăn mơhnhôk tơlo pêi pro tơdroăng pơkâ kơxo# 2 ai 6.130 rơtal liăn, tung mê, kơxo# liăn tơnêi têa ai 366 rơtal liăn, liăn kong pơlê ai 4.127 rơtal liăn, mơhnhôk tơlo sap ing kuăn pơlê dâng 1.636 rơtal liăn.

Pôa Dương Tín Đức, kăn pho\ ngăn [ơrô xing xoăng tơdroăng cheăng thôn pơlê nếo kong pơlê Dak Lak ăm ‘nâi, kơxo# liăn ‘no pêi pro tơdroăng pơkâ kơxo# 2 a Dak Lak đi đo tâk pái hdroh tâng pơchông [ă tơring ki ê tung lâp tơnêi têa. Laga, [ă tơdroăng ki veăng kum dêi khu pơkuâ tơdroăng kal kí, tơdroăng ki tơdjuôm ivá dêi kuăn pơlê, tơdroăng pơkâ tơnêi têa ‘na mơjiâng thôn pơlê nếo hiăng pêi pro châ mâu tơdroăng pơkâ.

Drêng troăng prôk tung thôn pơlê châ pro tơdrăng, cheăng kâ rêh ối pơlê pơla xuân mơnhông mơdêk há, tơdroăng rêh ối dêi kuăn pơlê châ hơ’leh khât.

‘’Nôkố tơdroăng ki pêi pro túa pơkâ kơxo# 2 tâng mơnhên tiô tơdroăng mê hiăng châ pêi pro tiô túa pơcháu ki kong pơlê pơkâ mơ’no. Kong pơlê Dak Lak mơnhên troăng prôk cho tơdroăng ki kơjo kum ki apoăng tung mơjiâng thôn pơlê nếo, ngin pơtối veăng tí tăng ‘nâi ple\ng ăm Ho#i đong hnê ngăn kong pơlê.

{ă mâu cheăm, thôn, pơlê kơpong hơngế hơngo, mê troăng hơlâ tơnêi têa xuân châ kơjo kum má môi cho kum tâi tâng vâ mâu cheăm kơtiê, chheăm 135 xuân rak tơniăn tơdroăng pơkâ kơxo# 2 tiô pơkâ dêi kong pơlê’’.

Ki khât ăm hlo, tơdroăng ki pêi klêi hngêi trăng troăng klông thôn pơlê hiăng pro ivá mơnhông mơdêk rơdêi, pro hơ’leh ngiâ méa tâi tâng mâu kơpong ki xơpá a Dak Lak. Rơkong tối ‘’troăng pro troh lâi-kuăn pơle kro mơdro\ng troh dâng mê’’ hiăng châ Dak Lak mơhno tối [ă mâu tơdroăng ki hơ’leh tung lâp kơpong mâu thôn pơlê nếo.

            Tuấn Long chêh

Katarina Nga tơplôu [ă tơbleăng