VOV4.Sêdang - Hâi hnah, lơ 19 khế 10, Kơ koan kăn sát Séa ngăn dêi Ko\ng an pơlê kong krâm Gia Nghĩa, kong pơlê Dak Nông tơku\m tơvêh rơxế ăm hên ngế ki hía rơxế xua tro khu ‘mêi tong [ă mơgêi tơdroăng tăng rup XM 815, mơnhên khu ki tong lối chât toăng rơxế hon đa ki kơnâ liăn. Kơ’nâi 2 khế mơjiâng, khu lăm tăng rup XM 815, Ko\ng an pơlê kong krâm Gia Nghĩa, kong pơlê Dak Nông hiăng tí tăng séa ngăn [ă châ rup khu hmâ tong rơxế hon đa, khu kố lăm tong troh kong pơlê ki ê. Khu tong mê hiăng châ rup 6 ngế: Nguyễn Hồng Thoại, Lương Quốc Cường, Huỳnh Tuấn Vũ, Đinh Phú Bảo, Hồ Sỹ Thành, tâi tâng mâu ngế ki mê ối a kong pơlê Bình Phước [ă Lê Văn Hậu ối a thôn Tân Hiêp, cheăm Dăk Rmoan, pơlê kong krâm Gia Nghĩa, kong pơlê Dak Nông. Tiô séa ngăn, khu ki tong rơxế hon đa xua Nguyễn Hồng Thoại pơkuâ djâ tung pơla ton hơnăm, hiăng châ chât toăng rơxế hon đa, ki hên a mâu kơ koan, tíu pêi cheăng tung kong pơlê Dak Nông. Mâu rơxế ki hía mê to rơxế tai ga, kơnâ sap 20 troh 100 rơtuh liăn. Klêi tong, mâu ki kố lôe tah, hơ’lêh kơxo# kơmăi rơxế klêi mê djâ tê a mâu kong pơlê, pơlê kong kân ki ê.

Gương tơplôu [ă tơbleăng