VOV4.Sêdang - Vi [an hnê ngăn kong pơlê Dak Nông tơku\m po Hneăng hôp ‘no tơdrêng tung um tivi [ă mâu tơring cheăm vâ mơnhên tối tơdroăng cheăng kâ rêh ối, pơlê pơla cheăm beneg, gâk kring kring khế 5, tối tơbleăng hnoăng cheăng tung khế 6/2018. Tối tơbleăng dêi Vi [an hnê ngăn kong pơlê ăm hlo, tơdroăng cheăng kâ rêh ối pơlê pơla dêi kong pơlê pơtối rak vế [ă tơdroăng ki tơniăn. Vi [an hnê ngăn kong pơlê Dak Nông pơkâ thế mâu khu râ, kơvâ cheăng tơku\m pêi pro 10 hnoăng cheăng, troăng hơlâ ki xiâm ‘na mơnhông mơdêk cheăng kâ rêh ối hơnăm 2018, tơku\m séa ngăn tơdroăng ki ko ‘nhiê kong, hdi xo tơnêi kong, pơkâ tơleăng mâu tơdroăng ki ối tơvâ tơvân, ki ối xơpá ăm khu mơdró kâ. Mâu khu râ, kơvâ cheăng ki ai tơdjâk troh mơdêk tơdroăng ki ‘no liăn ăm mung vâ ‘no cheăng mơjiâng pro mâu kế tơmeăm ki xiâm. Mâu tơring, cheăm khu pú hên, khu tơru\m tơmâng ngăn troh tơdroăng ki hnê mơhno mâu tơdroăng cheăng vâ rak vế rơnó pơtê hriâm tơniăn ăm mâu hok tro.

Katarina Nga tơplôu [ă tơbleăng