Dak Nông kal pơkuâ ngăn tơniăn kuăn pơlê a cheăm Dak Ngo-Quảng Trực?

Thứ ba, 00:00, 16/05/2017

VOV4.Sêdang - Môi tiah Rơ’jíu Việt Nam hiăng tối, klêi kơ’nâi ai mâu tơdroăng tơbriât tơnêi kong pơla kuăn pơlê ki lo ing tíu ê troh rêh ối [ă khu mơdró kâ a tơring Tuy Đức, kong pơlê Dak Nông rế hía hlo ai rế hên mâu tơdroăng ki xâu xía, pôa Trương Hòa Bình, Ngế pro xiâm pho\ hnê ngăn tơnêi têa hiăng lăm ngăn [ă pơkâ thế khu kăn pơkuâ kong pơlê xing xoăng tơnêi vâ tơniăn ăm kuăn pơlê a 2 to cheăm Dak Ngo [ă Quảng Trực. Maluâ ti mê, tung pơla pơkâ xing xoăng tơnêi tiah mê, hiăng trâm tơdroăng ki pá. Xuân u ối tơdroăng ki tơbriât tơnêi pơla kuăn pơlê ki pêi chiiâk deăng [ă khu mơdró kâ. Tiah mê, troh la lâi ah nếo châ tơniăn ăm kuăn pơlê ai tơnêi pêi kâ a cheăm Dak Ngo [ă Quảng Trực? Pôa Trương Thanh Tùng, Kăn pho\ hnê ngăn Vi [an kong pơlê Dak Nông ai tiâ ‘na tơdroăng ki khu chêh hlá tơbeăng hiăng êng.

Êng: Ô pôa, pêi pro tiô tơdroăng pơkâ dêi pôa Trương Hòa Bình, Ngế pro xiâm pho\ hnê ngăn Chin phuh ‘na pơkâ xing xoăng tơnêi vâ tơniăn ăm kuăn pơlê a cheăm Dak Ngo [ă Quảng Trực, sap ing hơnăm nah, Vi [an hnê ngăn kong pơlê Dak Nông hiăng pơkâ hnoăng cheăng ăm kơvâ cheăng ki kố ti lâi [ă tơring Tuy Đức hiăng pêi pro mâu tơdroăng ki klâi. Pâ phep êh pôa tối ngăn ‘na tơdroăng cheăng ki apoăng?

Pôa Trương Thanh Tùng: Troh nôkố, klêi kơ’nâi lăm ngăn a 2 to cheăm Quảng Trực [ă Dak Ngo, ối tung kơpong tơnêi dêi 16 tơdroăng tơkêa bro dêi khu mơdró kâ phá xêh [ă kơxo# tơnêi kong ki 2 Ko\ng ti ngăn ‘na pêt kong, tung mê ai dâng 1 rơpâu 522 rơpo\ng kuăn pơlê, ai lối 6 rơpâu 793 ha tơnêi ki tro tơbriât xo. Tung mê, ai 5 tơdroăng tơkêa bro dêi cheăm Quảng Trực dế cho tíu ki tô tuăn má môi ‘na tơbriât tơnêi tíu, ai 681 rơpo\ng dế tơbriât 1 rơpâu 865 ha tơnêi. Ki má péa nếo, hiăng vê hdró 6 tíu ki vâ mơjiâng pro 6 to thôn, tiô ăm ‘nâi hdrối kô ăm 1 rơpâu 233 rơpo\ng rêh ối a kố.

Êng: Tiô tơdroăng pơkâ thế dêi Ngế pro xiâm pho\ hnê ngăn, kal athế kho\m châ mơdrếo tâi tâng tơnêi ki hiăng pơcháu ăm khu mơdró kâ ki vâi tá hâi mơjiâng pro ki klâi lơ hiăng mơjiâng la ti rơhéa vâ pơcháu ăm kuăn pơlê ki ôh ti ai tơnêi pêi kâ. Ti mê, khu mơdró kâ hiăng mơdrếo tơdroăng tơkêa bro há, ô pôa?

Pôa Trương Thanh Tùng: Tơdroăng ki mơdrếo xo tơnêi dêi khu mơdró kâ ki vâi ôh tá pêi pro lơ hiăng pêi pro a tơnêi ki mê la ôh tá rơhéa, mê kong pơlê hiăng pơkâ thế Khu ngăn ‘na tơmeăm khoăng, kong kế lăm ngăn ‘na tơdroăng xúa tơnêi tíu [ă pêi pro mâu tơdroăng tơkêa bro dêi mâu khu mơdró kâ. Hơnăm 2016, Vi [an hnê ngăn kong pơlê hiăng vâ môi tuăn mơdrếo tơvêh tơnêi dêi 5 khu mơdró

[ă tơnêi tíu kân rơdâ 939 ha, tung mê, a cheăm Dak Ngo [ă cheăm Quảng Trực ai 2 khu, tơnêi rơdâ 60 ha. Dế nôkố, Khu ngăn ‘na tơmeăm khoăng, kong kế [ă hyôh kong prâi dế lăm vê hdró, chêh bro hô sơ vâ mơdrếo tơnêi ki mê. Khu kăn pơkuâ Đảng kong pơlê, Vi [an hnê ngăn kong pơlê hiăng pro kơtăng [ă vê hdró i nhên tâi tâng mâu tơdroăng tơkêa bro a tơnêi kong tung kong pơlê kố vâ tơleăng, pơxâu phak kơtăng [ă tơdroăng ki pro xôi, hnối ai troăng hơlâ mơdrếo xo tơnêi kong vâ kum ăm kuăn pơlê pêi kâ.

Êng: Ô pôa, tơdroăng ki kal pêi pro tơdrêng tiô Ngế pro xiâm pho\ hnê ngăn mê cho kal rak tơniăn ăm tơdroăng rêh ối kuăn pơlê, tơniăn tung pêi chiâk pêi deăng, mơnhông ‘na tơdroăng hnê hriâm, khăm pơlât [ă mâu tơdroăng ‘na mơhno mơjiâng túa le\m tro ăm kuăn pơlê a 2 to cheăm. {ă hnoăng cheăng tiah dế nôkố, hnoăng cheăng ki kố hôm chiâng pêi pro tơdrêng lơ ti lâi, ô pôa?

Pôa Trương Thanh Tùng: Khu ngăn ‘na chiâk deăng [ă mơnhông mơdêk thôn pơlê hiăng mơjiâng pro klêi ‘’Tơdroăng tơkêa bro tơdrêng vâ rak vế tơniăn ăm kuăn pơlê ki lo ing tíu ê troh rêh ối a kơpong tíu tơkăng kong dêi cheăm Quảng Trực [ă Dak Ngo dêi tơring Tuy Đức, kong pơlê Dak Nông’’ tâi tâng kơxo# liăn ki vâ pêi pro tơdroăng kố ai dâng 182 rơtal liăn, tiô tơdroăng ăm ‘nâi kô pơtroh ăm Vi [an hnê ngăn kong pơlê k^, klâk tăm po\ng a khế 5 hơnăm 2017. Klêi kơ’nâi châ mâu khu kăn xiâm, kơvâ cheăng dêi tơnêi têa ăm phêp mơ’no liăn, mê Vi [an hnê ngăn kong pơlê Dak Nông kô pơkâ pêi pro tơdrêng tơdroăng tơkêa bro kố. Ki ahdrối tâ kô mơjiâng mâu hngêi pêi cheăng cheăm, troăng prôk, on tơhrik, hngêi pơkeăng vâ tơniăn ăm mâu rơpo\ng kuăn pơlê châ rêh ối-cheăng kâ tơniăn.

Êng: Ki xiâm dêi tơdroăng kố cho pơkuâ ngăn kuăn pơlê. Xua tơdroăng pơkâ ngăn kuăn pơlê sap apoăng ôh tá pro kơtăng, mê khoh chiâng ai tơdroăng ki xía vâ môi tiah pơla hdrối kố nah. Hiâm tuăn dêi khu kăn kong pơlê Dak Nông ‘na tơdroăng kố ga ti lâi, ô pôa?

Pôa Trượng Thanh Tùng: Cho tiah mê, ki xiâm dêi tơdroăng cho pơkuâ rak ngăn kuăn pơlê. Vâ kho\m pêi pro chía tơ-[rê tơdroăng kố, Khu kăn pơkuâ ngăn Đảng kong pơlê hiăng mơ’no tơdroăng cheăng thăm mơnhông hnoăng cheăng dêi Đảng tung pơkuâ ngăn, xúa tơnêi tíu tơtro tung kuăn pơlê pơla sap hơnăm 2016-2020. Tiah mê, Vi [an hnê ngăn kong pơlê xuân hiăng pơkâ pêi pro mâu tơdroăng cheăng [ă tơku\m pêi pro, hiăng mơ’no 26 hnoăng cheăng. Ki xiâm dêi tơdroăng kố, kong pơlê kal athế tơku\m pêi pro tro tơdrăng khât mâu hnoăng cheăng, troăng hơlâ pơkâ.

Ki má môi, mê cho athế pêi pro tro tiô tơdroăng hiăng hnê tối, mơhnhôk kuăn pơlê rak vế tro tiô luât ‘na hnoăng pơkuâ ngăn, rak vế ngăn kong [ă pêi pro tiô hnoăng cheăng ki hiăng pơcháu, xing xoăng hnoăng cheăng tiô kong pơlê hiăng pơkâ thế; kho\m tơleăng, pơxâu phak [ă mâu ngế ki hdi tơbriât, xuân môi tiah [ă mâu ngế ki tê tơnêi kong hmâng to lo vâ. Ki má péa, kho\m châ mơdrếo xo tâi tâng tơnêi kong ki hiăng pơcháu ăm khu mơdró kâ pơkuâ ngăn, la vâi xúa tơnêi kong ki mê pêi kâ ôh ti rơhéa. Ki má péa, athế pêi pro tiô tơdroăng tơkêa bro, ‘mâi xing xoăng tơnêi pro pơlê, cheăm, re\ng mơjiâng tíu pêi cheăng râ thôn, to\ng kum kuăn pơlê re\ng châ tơniăn ai tơnêi pêi kâ.