VOV4.Sêdang -  Kong pơlê Dak Nông hiăng klâ kơtăn tâi tâng mâu thái cô, mâu ngế cheăng tung hngêi trung, hok tro  hngêi trung phôh thong hnê kuăn ngo ai tíu kâ koi ối pơtê râ má péa ƀă má pái Dak  Rlấp,  tơring Dak Rlấp klêi châ ‘nâi ai môi ngế hok tro yương tĭnh ƀă vi rus SARS-CoV-2. Tung kơxo lơ 5/9 hngêi trung phôh thong hnê kuăn ngo ai tíu kâ koi ối pơtê râ má péa ƀă má pái Dak Rlâp, tơring Dak Rlâp, kong pơlê Dak Nông tơdah mâu vâi o lăm leh mot hơnăm hriâm nếo.

Klêi khăm ngăn vâ ‘nâi ki tô hngíu tung châ, hngêi trung châ ’nâi ai môi ngế hok tro lâm 6 tơngê, kơ o,. Test rĕng ngế hok tro mê ăm ‘nâi yương tĭnh ƀă virus SARS-CoV-2. Troh kơxê lơ 5/9, khăm ngăn PCR ăm ‘nâi ngế hok tro mê yương tĭnh ƀă virus SARS-CoV-2. Tơdrêng mê, hngêi trung hiăng tơbleăng ăm khu râ pơkuâ cheăng kring vế, gak ngăn, xôh pơkeăng, rĕng tăng mâu ngế ki achê ƀă gá. Hlối thế 198 ngế hok tro lâm 7 ƀă 31 ngế kăn ƀô̆ thái cô ƀă mâu ngế cheăng tung hngêi trung ối klâ kơtăn a hngêi trung.

Gương tơplôu ƀă tơbleăng