VOV4.Sêdang - Hâi lơ 30/9, Đô̆i rak ngăn mơ’no on tơhrik Dak Nông hiăng ‘mâi rơnêu klêi troăng kơxái 110kV Dak Song – Dak Mil – Čư̆ Jut ƀă tíu ki pơklĕp a trạm biến áp 110kV Dak Song”. Tung vâ chê 4 khế, tíu pêi cheăng kố hiăng hơ’lêh kơxái ki môi to chiâng kơxái ki péa to a 50 tíu ki tơ’moê, ƀă tâi tâng ai 270 tíu ki râng, kơxái ki tiah hmâ ƀă thủy tinh ƀă polymer.

Hơ’lêh troăng kơxái a tíu kơxô̆ 26 Troăng kơxái 110kV Dak Song – Dak Mil – Čư̆ Jut

Châ ‘nâi troăng kơxái 110kV Dak Song – Dak Mil – Čư̆ Jut châ mơ’no sap ing hơnăm 2010, cho tíu ki mơ’no on tơhrik má péa kum ăm tơdroăng mơnhông cheăng kâ pơlê pơla kong pơlê Dak Nông. Luâ 10 hơnăm, mâu troăng kơxái sứ mơ’no on tơhrik dêi troăng kơxái on tơhrik hiăng tơ’nhiê, ôh tá rak tơniăn xếo tung tơdroăng ki ‘no on tơhrik, malối cho tung rơnó mê hngê. Tơdroăng hơ’lêh kơxái on tơhrik kô hbrâ mơdât tơdroăng ki tơro têi, rak tơniăn mơ’no on tơhrik pơtối a kong pơlê Dak Nông.

Katarina Nga tơplôu ƀă tơbleăng