VOV4.Sêdang - Klêi châ ‘nâi tíu ai hên ngế tâ virus SARS-CoV-2 tung kuăn pơlê a cheăm Quảng Tín, tơring Dak Rlâp, jâ Tôn Thị Ngọc Hạnh, kăn phŏ hnê ngăn kong pơlê Dak Nông hiăng kĭ pơkâ xúa mâu tơdroăng pêi pro tơdrêng tung hbrâ mơdât COVID-19 tung kong pơlê. Ing mê, kong pơlê Dak Nông pơkâ kring gak tâi tâng tơring Dak Rlâp sap ing 12 chôu hâi lơ 7/9 ƀă xúa kơtăng mâu pơkâ tiô pơkâ 16.

Thế kuăn pơlê ối a hngêi, bú lo pa gong tâng lơ ai tơdroăng kal. Pơtê ‘nôi mâu tơdroăng cheăng. Kơdroh mâu tơdroăng prôk lăm ukố umê, rak tơniăn tung chơ tơmeăm tê mơdró, tơmeăm vâ pêi cheăng. tiô tối tơbleăng dêi khu hnê mơhno hbrâ mơdât pơreăng a mơngế dêi tơring Dak Rlâp, sap lơ 5/9 klêi châ ‘nâi ai ngế tâ pơreăng apoăng a cheăm Quảng tín, troh lơ 7/9, lâp tung tơring hiăng ai 52 ngế yương tĭnh ƀă SARS-CoV-2, tung mê ki hên cho a peá pơlê Bu Dzách, Bu Bir dêi cheăm Quảng Tín. Kơvâ ngăn pơkeăng dế  séa ngăn, tăng xo túa khăm ngăn ăm lối 6 rơpâu 200 ngế ki tơdjâk, ối achê bă ngế ki tâ pơreăng vâ tăng klâ mâu ngế ki ai pơreăng lo ing kuăn pơlê.

Gương tơplôu ƀă tơbleăng