VOV4.Sêdang - Hâi lơ 28/10, Hô̆i đong kuăn pơlê kong pơlê Dak Nông hneăng má IV, hneăng hơnăm 2021 – 2026 tơkŭm po Hneăng hôp tơdroăng cheăng, séa ngăn, tơpui tơno ƀă tơbleăng ăm pêi pro 7 tơdroăng tơkêa bro, pơkâ ki kal ƀă tơdroăng mơnhông cheăng kâ – rêh ối pơlê pơla dêi kong pơlê.

Tâi tâng a hneăng hôp tơdroăng cheăng Hô̆i đông kuăn pơlê kong pơlê Dak Nông

A hneăng hôp, Hô̆i đong kuăn pơlê kong pơlê Dak Nông hiăng séa ngăn, tơpui tơno ƀă tơbleăng ăm pêi pro 7 tơdroăng tơkêa bro, tơdroăng pơkâ, tung mê ai tơdroăng xiâm: Pơkâ tơ’nôm, pơ’lêh tâi tâng pơkâ pái túa kong tung kong pơlê Dak Nông; Pơkâ tơdroăng pơkâ pêi troăng hơlâ tŏng kum hnê mơjiâng cheăng pêi râ trung câ̆p, cao đẳng tung kong pơlê hneăng hơnăm 2021 – 2025; Pơkâ tơbleăng inâi tơ’nôm mâu tơdroăng tơkêa bro kal xo tơvêh tơnêi, pơ’lêh xiâm kối xúa tơnêi vâ mơnhông mơdêk cheăng kâ, rêh ối pơlê pơla hơnăm 2021 ƀă hía hé.

Ki tơtrŏng má môi cho Pơkâ tơ’nôm, pơ’lêh tâi tâng pơkâ pái túa kong tung kong pơlê Dak Nông, pơtối mê ai vâ chê 640 ha châ djâ pa kong pơkâ ‘na kong, pêi pro tơdroăng pro ăm mơ-éa mơnhên hnoăng xúa tơnêi ăm kuăn pơlê vâ tơtro ƀă tơdroăng nôkố.

A Sa Ly tơplôu ƀă tơbleăng