VOV4.Sêdang - Kơxê lơ 6 khế 5, Khu pơkuâ ngăn tơkêa bro Hngêi kơmăi Alumin Nhân Cơ-Vinacomin, ối tung Grup cheăng kơmăi kơmok chiâ xo kơchâ hmốu-tơmeăm khoăng tung kơdâm tơnêi dêi Việt Nam) hiăng tơku\m po Leh pơxiâm mơjiâng troăng ki prôk ing 3 hơlâ troăng Phi Lao, cheăm Nhân Đạo troh a hngêi kơmăi mơjiâng bauxite, ối tung tơdroăng tơkêa bro Hngêi kơmăi Alumin Nhân Cơ, Nghĩa Thắng, Nhân Đạo, dêi tơring Dak Rlâp; tâi tâng kơxo# liăn ki mơjiâng pro kố lối 22 rotal liăn.

Mâu rơxế, kơmăi kơmok, tơmeăm hbrâ vâ pro troăng prôk

Tiô tơdroăng pơkâ, troăng prôk kố kô châ mơjiâng pro klêi kơ’nâi 90 hâi. Drêng hiăng pro klêi mê ah, troăng ki kố kô kum tơ’lêi ăm kuăn pơlê châ prôk lăm hlâu hle\ng, pơto chơ kế tơmeăm, veăng mơnhông tơdroăng pêi cheăng kâ, rêh ối pơlê pơla.

Nhat Lisa tơplôu [ă tơbleăng