VOV4.Xơ Đăng - Troh lơ 19/11, kong pơlê Dak Nông hiăng pâk klêi 100% trum má 1 ƀă dâng 36% trum má péa hbrâ mơdât COVID-19 ăm tâi tâng mâu ngế sap 18 hơnăm tơngi klêng.  Tíu xiâm séa ngăn mơdât pơreăng kong pơlê Dak Nông (CDC Dak Nông) tối, lâp tung kong pơlê ai dâng 445 rơpâu ngế lối 18 hơnăm chiâng pâng vaccine hbrâ mơdât COVID-19.

Dak Nông thăm rĕng pâk trum má péa ăm kuăn pơlê

Troh lơ 19/11, Dak Nông hiăng tơdah pâk ăm lối 708 rơpâu 600 klŏng vaccine tŭm túa Astra Zeneca, Pfizer, Moderna, Vero Cell ing khu xiâm ngăn pơkeăng pơlât ƀă hiăng pâk ăm vâ chê  58 rơpâu 600 klŏng, vâ tối hiăng pâk tâi trum má 1 ăm 100% ngế ki kơpêng 18 hơnăm, ƀă kơxô̆ pâk trum má 2 châ 36%. Lối 120 rơpâu klŏng dế mơ-eăm pâk a mâu tơring cheăm tung kong pơlê. Tung măng tĭng kố, tâng châ xo lối 181 rơpâu klŏng vaccine nếo ing Khu xiâm ngăn pơkeăng pơlât, tiô tối hdrối tâi khế 11 kố kong pơlê kô pâk vaccine trum má 2 ăm kơpêng 18 hơnăm châ 65%, ƀă pâk tâi 100% ngế a tơdế khế 12 la ngiâ.

Gương tơplôu ƀă tơbleăng