VOV4.XơĐăng - Kơxê lơ 29/12, a Hà Nội, Ƀơrô tê mơdró ƀă kơmăi kơmok Việt Nam  tơkŭm po leh diâp hlối pơxá inâi “ Ngế kơdrâi Việt Nam rơkê tê mơdró-Cup Bồng hồng Vàng”. Veăng leh ai jâ Bùi Thị Minh Hoài, Kăn hnê ngăn Đảng, Ngế pơkuâ hnê mơhnhôk xiâm tơnêi têa; jâ Võ Thị Ánh Xuân, Ngế xiâm phŏ hnê ngăn tơnêi têa.

Ngế kơdrâi mơdró rơkê châ diâp Cup bông hồng vàng

Inâi pơxá “Ngế kơdrâi Việt Nam tê mơdró rơkê - Cup Bông hồng vàng “ châ diâp ăm 60 ngế kơdrâi pêi ‘na ki tê mơdró rơkê tung hơnăm kố, vâ tơmâng xo, ô eăng  ƀă kơdeăn khê̆n mâu kơdrâi ki pêi cheăng rơkê, ôh tá la lâi pơtê mơ-eăm, loi khât tăng troăng rơhlâ, hmâ ƀă tơkâ luâ mâu tơdroăng xơpá, pơloăng mơnúa, mơnhông krá tơniăn.

Ing mê, ai mâu hnoăng veăng ‘no tung mơnhông cheăng kâ rêh ối dêi tơnêi têa tung pơla pơreăng kân COVID-19 ƀă kong prâi pro ôh tá tơniăn khía mơhot têa lân lu.  

Gương tơplôu ƀă tơbleăng