VOV4.Sêdang - Kơxo lơ 28/5, a pơlê kong kơdrâm Plei Ku, kong pơlê Gia Lai [a\ pơlê kong kân Hồ Chí Minh hiăng tơku\m po Hneăng hôp mơhnhôk mơ’no liăn cheăng hơnăm 2018, vâ thăm tơru\m mơ’no liăn cheăng pơla péa kong pơlê hneăng 2017 – 2020.

Klêi kơ’nâi 15 hơnăm pêi pro tơru\m cheăng kâ, mâu khu mơ’no liăn cheăng dêi Pơlê kong kân Hồ Chí Minh hiăng po rơdâ pêi pro 26 tơdroăng tơkêa a Gia Lai [a\ tâi tâng kơxo# liăn lối 6.300 rơtal liăn. Mâu khu tê mơdró kong pơlê Gia Lai xuân hiăng mơ’no liăn cheăng a Pơlê kong kân Hồ Chí Minh hluâ 5 xôh [a\ tâi tâng kơxo# liăn ai 30 rơpâu rơtal liăn.

Ing hneăng hôp kố, pơlê kong kân Hồ Chí Minh kơbông krếo mơ’no tung 190 tơdroăng tơkêa bro, tơku\m tung mâu tơdroăng tơkêa bro ki xiâm tơdjâk troh mơjiâng kơpong kuăn pơlê rêh ối, tê mơdró rơkê.

Ing ai hên kế tơmeăm khoăng, mơnhông ‘na pêi chiâk deăng, ôm hyô, têa krúa, vêh mơjiâng kế tơmeăm ki ton, kong pơlê Gia Lai kơbông krếo mơ’no liăn tung 29 i nâi tơdroăng tơkêa bro [a\ tơkêa pro tơ’lêi hlâu hên troăng hơlâ ăm khu mơdró mơ’no liăn cheăng.

A Sa Ly tơplôu [a\ tơbleăng