VOV4.XơĐăng - Tiô Khu xiâm riân ngăn dêi kong pơlê Gia Lai hơnăm 2021, ki mơnhông ‘na cheăng kâ tâk châ 9,7% tung tâi tâng kơxô̆ liăn ‘no ăm pơlê pơla tâng riân châ lối 70 rơpâu rơtal liăn, luâ tâ 2,45 hdroh tâng vâ pơchông ƀă hơnăm nah. Ki tơxâng vâ tối cho xo liăn ngân tâk hên, ƀă 7 rơpâu 592 rơtalliăn , tâk vâ chê 167% . Kơxô̆ ki châ xo mê tâk iâ môi tơdroăng kơnôm ai 17 tơdroăng tơkêa bro on tơhrik kơtâu ƀă khía châ tơbleăng, ƀă ivá 1.242MW; hên tơdroăng tơkêa bro păn chu ki hên, xúa kơmăi dâi lĕm tung păn  honăm 2021, tâi tâng kơxô̆ tiăn châ xo ing tê ăm kong têa ê dêi Gia Lai châ 610 rơtuh dollars, tâk lối 50%, tung mê, kơphế ƀă plâi kâ cho mâu kơvâ ki hên, kơnôm tơbleăng tro ki pơxúa dêi Khu tơhrâ EVFTA.

Gia Lai ai 11 tơdroăng tơkêa bro on tơhrik ki kơtâu ƀă khía hiăng pơxiâm pêi cheăng

Lâp tung kong pơlê ai tơ’nôm 13 to cheăm ƀă 2 tơring pê klêi mâu pơkâ mơjiâng thôn pơlê , malối hơnăm nah Cao nguyên Kon Hà Nừng hiăng châ mơnhông cheăng ki nếo. Kơnôm pêi pro châ tơƀrê khât ing tơdroăng kĭ tơkêa dêi EVFTA. Lâp kong pơlê ai tơ’nôm 13 to cheăm ƀă 2 tơring hiăng pêi pro klêi mâu tơdroăng cheăng dêi thôn pơlê nếo. Ki malối, hơnăm nah, Cao nguyên Kon Hà Nừng hiăng châ UNESCO chêh tơ’mot tung Inâi kơpong ki rak vế tơnêi tíu, kong kế ki kơnía git dêi lâp plai tơnêi.

Tơdroăng kố hiăng po ăm roh ki tơ’lêi hlâu nếo vâ kong pơlê châ krếo thế hên mâu khu ki cheăng ngăn ‘na tơkêa bro, kring vế, rak ngăn kong, tí tăng mơnhông ‘na tíu ôm hyô ƀă mơdêk pê cheăng kâ tung kơpong kong ilâng kố.

Gương tơplôu ƀă tơbleăng