VOV4.Sêdang - Kơxo lơ 22/6, Khu ngăn ‘na pêi cheăng kong pơlê Gia Lai tơku\m po Hneăng hôp Kong đoân rôh má 10, hơnăm 2018 – 2023, veăng a mê ai 235 ngế kăn, teăng mâ ăm vâ chê 62 rơpâu ngế pêi cheăng tung lâp kong pơlê.

Mâu hơnăm hiăng luâ, tơdroăng cheăng kong đoân a kong pơlê Gia Lai hiăng pêi pro tro tiô tơdroăng pơkâ dêi khu râ Đảng, kong đoân râ kơpêng [ă châ pêi pro hơ’lêh chiâng mâu tơdroăng cheăng păng ‘nâng.

Hnoăng cheăng veăng rak ngăn, tơdroăng rêh ối, rak vế hnoăng pơkuâ, tơtro luât, tơxâng dêi đoân viên, mâu ngế pêi cheăng châ tơtro\ng khât [ă ai hên tơdroăng ki hơ’lêh.

Gia Lai: Hneăng hôp Kông đoân rôh má 10 

Tơdroăng cheăng pêi, hnoăng cheăng rak vế krúa le\m kế kâ ăm mâu ngế pêi cheăng, rak vế pêi cheăng châ tơmâng ngăn khât, hơ’lêh tâ. Mâu tơdroăng tơ’noăng dêi khu tơru\m kong đoân rêm râ hiăng pro ai pơxúa khât.

Ki xiâm, môi tiah tơdroăng ‘’Hngêi tơtô kong đoân’’ hiăng mơhnhôk châ lối 4 rơtal 500 rơtuh liăn, mơjiâng pro ki nếo [ă ‘mâi rơnêu 123 toăng ăm mâu ngế pêi cheăng ki ai tơdroăng rêh ối xơpá, lối 9 rơpâu hdroh ngế đoân viên châ tơku\m lăm pôu, kơ-êng mơhnhôk [ă to\ng kum drêng châi tamo, trâm pá, mâu rôh kong mêi khía mơhot.

Ki rơhêng vâ tối, hơnăm 2017, Khu pơkuâ ngăn ‘na pêi cheăng kong pơlê Gia Lai hiăng pơsăm tối 18 khu mơdró kâ che\n [aoh hiêm pơlê pơla. Ing mê ai 14 khu mơdró kâ hiăng nâp vâ chê 6 rơtal liăn ‘mâi mơnhông tơdroăng che\n ki ôh tá kâi mơdrếo. Tơdroăng ki mơjiâng tơru\m kong đoân rế hía rế châ tơmâng ngăn [ă po rơdâ a mâu tíu cheăng, khu mơdró kâ ôh ti xê to a râ tơnêi têa.

Katarina Nga tơplôu [ă tơbleăng