VOV4.Sêdang - Hdrối pơla kố iâ, Khu ngăn ‘na pêi krúa kế kâ kong pơlê Gia Lai hiăng ai hơ-ôu kế kâ pú hên a plei Blương, cheăm Trang, tơring Đak Đoa, ai 135 ngế thế mot pơlât a hngêi pơkeăng, rêm ngế apoăng lo hêa, châi klêa ó. Klêi séa ngăn ăm ‘nâi, a hâi lơ 17 khế 9, rơpo\ng pôa Lưng, 43 hơnăm, tơku\m po ôu kâ pơkoăng ăm kuăn tơná. Pế kế ăm kuăn pơlê kâ, hngêi pôa hiăng rôe 4 to chu pro mâm, pế, poh, râm po pro ‘măn lôi troh hâi kơ’nâi vâ pế. Klêi 1 hâi lôi, troh kơxo má lơ 18 khế 9, rơpo\ng hngêi rôe nếo 30 kilô hơ’nêh a cheăm An Phú rơtế [ă 400 kilô xup a kơchô djâ troh a pơlê vâ pơtối pế pêi kế kâ ăm nho\ng o ki troh ôu kâ. Ing tơdroăng ki hbrâ kế kâ ing kơxo má, kế kâ ki ‘măn lôi mê ôh tá krúa; chêh xâ ‘măn a tơnêi, pêi ‘măn kế kâ ôh tá krúa tung pơla hên chôu, ôh tá klâp kơlâp. Mơ’nui ăm hlo tâi tâng 135 ngế ki kâ kế hâi ki mê rơtế tâ châi klêa, lo hêa. Tâi tâng mâu ki mê re\ng châ djâ pơlât a hngêi pơkeăng cheăm, hngêi pơkeăng tơring. Troh kơxo lơ 21 khế 9, kăn pơkuâ ngăn ‘na pêi krúa kế kâ kong pơlê Gia Lai ăm ‘nâi: Tâi tâng mâu ki tơdjâk troh, tro hơ-ôu, pou ‘mê kế kâ pú hên nếo hlo ai a cheăm Trang, tơring Đak Đoa, kong pơlê Gia Lai, ivá hiăng chía tơniăn [ă hiăng châ lo ing hngêi pơkeăng, pơtối séa ngăn a hngêi nếo.

Gương tơplôu [ă tơbleăng