Mơ’nui hơnăm 2016, Vi [an hnê ngăn kong pơlê Gia Lai ăm phêp 16 khu mơdró dêi kong pơlê rôe lối 300 rơpâu m3 loăng ing kong têa Kul. Xap ing mê, kơ’nâi 21 chôu rêm kơmăng, hlo to mâu rơxế kân chơ loăng pơtăng pơtối dêi pó kơtâu drô troăng kân 19B, klêi mê kơtâu  drô troăng kân 14, ing tơring Đức Cơ tơkâ luâ pơlê kong kơdrâm Plei Ku. Mâu rơxế kơtâu pá kâi xúa chơ loăng hngăm lối hên, la hle\ng re\ng tơkâ luâ a mâu tíu ai khu pơkuâ gâk ngăn drô troăng kân. Vâ mơnhên tơdroăng kố, khu chêh hlá tơbeăng ngin hiăng prôk tiu khu rơxế ki chơ loăng [ă pâ thế Tôh Kăn sat gak ngăn troăng prôk dế pêi hnoăng cheăng a troăng kân 19B ki tơkâ luâ cheăm Bàu Cạn tât môi toăng rơxế vâ séa ngăn. Klêi mê, péa ngế Ko\ng an gak ngăn drô troăng prôk, Séa ngăn troăng dêi kong pơlê hiăng châ mơnúa kâng ngăn vâ ‘nâi ki chơ hngăm dêi rơxế krâ kơxo# 77H 5787,  mê châ ‘nâi chơ hngăm luâ kơ tơdroăng bê troh 2 hdroh. Loăng tâ tung rơxế kố hên ‘nâng [ă hngăm bê hlo kơthung rơxế chiâng vâ tơhnâp. Tiô mâu kuăn pơlê tối, mâu rơxế ki chơ loăng hmếo pơ kơtâu drô troăng [ă chiâng môi tiah khu rơxế ki tơnôu khât. Pôa Huỳnh Tấn Toàn, môi ngế kuăn pơlê ối a cheăm Bàu Cạn, tơring C|ư Prông, kong pơlê Gia Lai tối ăm ‘nâi:

Rơxế chơ loăng lối hên luâ kơ tơdroăng

‘’Drêng rơxế kơtâu luâ tơkâ a kố, tung tuăn ngế ki lâi xuân môi tiah, préa pro\ng, tô tuăn, tơmiât gá kô tơklêh, lơ ch^ng iăng, hơnâng ga kô tơhnah tâu tro dêi châ la lâi ôh tá ‘nâi. Hlo loăng hên tiah kố ngế ki lâi xuân xâu. A púi vâ pro ti lâi rơxế pôi tá chơ lối hên, luâ kơ tơdroăng, pôi tá tơdjâk troh mơngế tâ tá, vâ rak tơniăn drô troăng prôk’’.

Tung pơla troăng kân 19B [ă troăng kân 14 rơxế chơ loăng kơtâu  drô troăng kân 19 ki tơkâ luâ tơring Đăk Pơ [ă pơlê kong krâm An Khê, troăng kân 25 tơkâ luâ tơring Phú Thiện [ă pơlê kong krâm Ayun Pa dêi kong pơlê Gia Lai, mâu rơxế chơ kơtếo lối hên xuân kơtâu pơtăng pơtối dêi pó drô troăng. Maluâ pơla khu râ pơkuâ cheăng kong pơlê [ă khu mơdró ki rôe tơmeăm pêi lo dêi kuăn pơlê hiăng k^ tơkêa, tơhrâ ôh tá ăm rơxế chơ lối hên. La, tơdroăng ki k^ tơhrâ a hlá mơ-éa bú pêi pro a hlá mơ-éa tê châ khât gá ôh tá rak tro tiah tơdroăng hiăng k^ tơhrâ. Hngêi kơmăi pro xik An Khê dế tung pơla pêi cheăng hên dêi rơnó uâ kơtếo hơnăm 2017. Tâng riên rêm hâi akố ai vâ chê 1 rơpâu hdrôh rơxế kân chơ kơtếo. Klêi séa ngăn mơnúa kâng ngăn a hngêi kơmăi, tâi tâng mâu rơxế mê xuân chơ kơtếo hên hluâ tơdroăng ăm phêp. Maluâ tiah mê, pôa Nguyễn Văn Hảo, kăn pho\ pơkuâ hngêi kơmăi pro xik An Khê, pơlê kong krâm An Khê, kong pơlê Gia Lai tối tiah kố:

‘’Tung hơnăm hiăng luâ, ngin hiăng tơru\m [ă Khu Séa ngăn troăng prôk rơxế kơtâu [ă mâu khu râ pơkuâ cheăng hnê tối [ă mơhnhôk [ă hnối cho kơtếo tro tiô pơkâ ki hên iâ ‘na ki hngăm tiô tơdroăng ăm phêp. {ă ngin xuân pro kơtăng tung tơdroăng pơxâu mâu rơxế ki chơ lối hên, mê ngin pro hlá mơ-éa pơxâu phak, ing mê tối tơbleăng ăm khu râ pơkuâ cheăng pơxâu phak há’’.

Rơxế chơ kơtếo a ngiâ Hngêi kơmăi pro xik An Khê

Tơdroăng tơru\m [ă vâ pơxâu phâk, mâu rơxế ki chơ lối hngăm tiô rơkong pôa Hảo tối gá môi tiah tơdroăng k^ tơkêa hdrối mê pơla hngêi kơmăi [ă mâu kơ koan cheăng dêi tơnêi têa, bú tơpui [ă rơkong tê la ôh tá pro. Rơxế chơ kơtếo lối hên xuân ối hlo kơtâu drô troăng mot a hngêi kơmăi.

{ă tung pơla mê rơxế ki chơ kơtếo lối hngăm dế hlo hên tiah mê, la Tíu gâk ngăn ki hngăm dêi mâu kơvâ cheăng kơxo# 55 ki pro a troăng kân kơxo# 19, pơla troăng tơkâ luâ pơlê kong krâm An Khê ôh tá pêi cheăng [ă hiăng ‘nhiê tah tíu ki mê. Tiô Đại tá Phan Văn Uấn, kăn [ơrô Kăn sât gak ngăn troăng prôk, Ko\ng an kong pơlê Gia Lai tối, tơdroăng pơtê tơru\m pơla Khu kăn sat gak ngăn troăng prôk [ă Khu cheăng séa ngăn a mâu tíu gak ngăn cho pêi pro tro tiô hnê mơhno dêi Khu xiâm Ko\ng an [ă khu ngăn troăng prôk rơxế kơtâu:

‘’Klêi hôp tối mơgêi tơdroăng Pơkâ kơxo# 12593 pơla Khu xiâm ngăn troăng prôk [ă Khu xiâm ko\ng an mê kăn pơkuâ ko\ng an kong pơlê ai hlá mơ-éa pâ thế Vi [an hnê ngăn kong pơlê ăm tơvêh mâu lêng Kăn sát gak ngăn troăng prôk. Sap ing hâi lơ 6/3/2017, mâu lêng, kăn sát gak troăng prôk ngin hiăng pơtê tơru\m cheăng pơla {ơrô kăn sat gak troăng prôk [ă rơxế kơtâu’’.

Tiô pôa Nguyến Trường Sơn, kăn pho\ pơkuâ ngăn ‘na troăng prôk rơxế kơtâu kong pơlê Gia Lai tối, drêng ôh tá tơru\m cheăng xếo pơla péa khu Kăn sất gak troăng prôk [ă Khu séa ngăn ‘na troăng prôk mê tơdroăng séa ngăn ki chơ lối hngăm dêi rơxế gá chiâng pá. Khu séa ngăn troăng prôk ai kâng ngăn ki hngăm la ôh tá ai hnoăng cheăng ki pơkâ  thế rơxế ki pro xôi mê tot, ‘na Kăn sât gak ngăn troăng prôk ai hnoăng cheăng chiâng ăm rơxế ki pro xôi mê tot la ôh tá ai kâng vâ ngăn, ‘nâi ki hngăm dêi rơxế. Pôa Nguyễn Trường Sơn ăm ‘nâi:

‘’Klêi khu ko\ng an pơtê cheăng a mâu tíu kâng ngăn ki hngăm dêi khu rơxế mê xuân ai tơdroăng. Xua, khu cheăng séa ngăn ‘na troăng prôk iâ mơngế, mê tâng ôh tá x^ng xoăng tu\m mơngế gak ngăn a mâu tíu ki kâng ngăn kô pá vâ châ pêi pro. ‘Na tơdroăng ki ăm rơxế tot a mâu tíu gak ngăn vâ kâng môi tiah lâi mê cho môi tung mâu tơdroăng pơkâ ki Khu xiâm dế mơ-eăm mơjiâng vâ pâ Vi [an hnê ngăn kong pơlê pơkâ vâ ngin chiâng vâ ăm tíu kâng ngăn châ re\ng pêi cheăng nếo’’.

Tơdroăng séa ngăn rơxế chơ lối hngăm, chơ luâ tơdroăng pơkâ a kong pơlê Gia Lai sap ing nah hiăng ai hên tơdroăng ki ôh tá tơniăn, malối a rơnó ki xo kế tơmeăm pêi lo ing chiâk deăng. Ai hên tơdroăng ăm hlo ki ôh tá tro drêng rơxế chơ lối hngăm la xuân châ tơkâ luâ mâu tíu gak ngăn, ôh tá xâu tơkâ luâ a mâu troăng kân. {ă tơdroăng kố, nôkố thăm rế ó tâ drêng péa khu Séa ngăn [ă Kăn sât gak ngăn troăng prôk pơtê tơru\m cheăng [ă dêi pó tung tơdroăng gak ngăn vâ pơxâu phâk mâu rơxế ki chơ lối hên hluâ tơdroăng pơkâ.

Gương tơplôu [ă tơbleăng