VOV4.Xơ Đăng -  Khu hnê mơhno hbrâ mơdât pơreăng kong pơlê Gia Lai hiăng pơkâ tơbleăng mơnúa rak ngăn pơlât mâu ngế tâ tú COVID-19 ki ôh tá ăm ‘nâi tơdroăng châi ki klâi, mơngế pơtối vêh tâ tú nếo SARS-CoV-2  ƀă mơngế F1 cho ki ối achê ƀă ngế tâ pơreăng. A tơdroăng Pơkâ Khu hnê mơhno hbrâ mơdât pơreăng COVID-19 Gia Lai tối: ing khế 10/2021 troh nôkố, kuăn pơlê ki tăng vêh xêh dêi ki kong pơlê rế tâk hên a mâu kơpong klâ krê ối tơchoâm pú hên bê hiăng hâ ho, kơxô̆ mơngế F0 tâk hên.

Gia Lai kô mơnúa pơlât F0 ki pơtối vêh yương tĭnh nếo ăm klâ krê pơlât a hngêi tâng ôh tá ăm ‘nâi ai tơdroăng châi ki klâi

Gia Lai hiăng mơjiâng 2 to hngêi pơkeăng pơtân pơlât F0, la xuân lối hên. Tiô pơkâ apoăng, Gia Lai kô mơnúa pơlât F0 ki pơtối vêh yương tĭnh nếo ăm klâ krê pơlât a hngêi tâng ôh tá ăm ‘nâi ai tơdroăng châi ki klâi; ngế ki hiăng pâk 2 trum vaccine hbrâ mơdât COVID-19; ngế ki sap ing kơpêng 1 hơnăm troh pá xôp 50 hơnăm, ôh tá ăm ‘nâi tung châ ai tơdroăng châi klâi, ôh tá xê dế mơ-êa.

Tơdroăng rak ngăn a tíu ối a kong pơlê Gia Lai ƀă F0 ki pơtối vêh yương tĭnh kô pêi pro sap ing lơ 1/12/2021, ƀă F0 ki ôh tá ăm ‘nâi tơdroăng châ pêi pro drêng kong pơlê ai sap 5 rơpâu ngế tâ tú tơngi klêng.

Gương tơplôu ƀă tơbleăng