VOV4.Xơ Đăng -  Kơxo lơ 8/12, hiăng po hneăng hôp má 4 Hô̆i đong hnê ngăn kong pơlê Gia Lai hneăng má 12 hơnăm 2021 – 2026. Hneăng hôp rôh kố cho tơkŭm séa ngăn mâu hlá mơ-éa tối tơbleăng ‘na mơnhên tối klêi kơ’nâi pêi pro tơdroăng pơkâ dêi Hô̆i đong hnê ngăn kong pơlê ‘na cheăng kâ rêh ối pơlê, gak kring pơlê pơla cheăm bêng hơnăm 2021 ƀă mâu hnoăng cheăng, troăng hơlâ pơkâ hơnăm 2022.

Maluâ pơreăng COVID-19 tâ tú ôh tá tơniăn, laga, tung hơnăm 2021, tơdroăng ki nâp liăn a Gia Lai hlo hơ’lêh khât. Ki nhên, tâi tâng liăn nâp a kong pơlê châ 7.386 rơtal liăn, tơ’mô 162% tâng vâ pơchông ƀă tơdroăng pơkâ Tơnêi têa pơcháu, tơkâ luâ 83% tâng vâ pơchông ƀă khế kố hơnăm 2020.

Hneăng hôp dêi mâu kăn Hŏi đong kong pơlê Gia Lai

Tâi tâng kế tơmeăm tung kong pơlê tâk 9,03%, GDP rêm ngế châ 56,31 rơtuh liăn. Tung hơnăm kố, hiăng ai tơ’nôm 17 to cheăm pêi klêi thôn pơlê nếo, mơdêk kơxô̆ tâk troh 87 to cheăm pêi klêi thôn pơlê nếo. Laga, tung hơnăm 2021, kong pơlê Gia Lai xuân ối 4/18 to tơdroăng ôh tá pêi pro klêi tiô tơdroăng pơkâ mơ’no.

Katarina Nga tơplôu ƀă tơbleăng