VOV4.Sêdang - Klêi kơ’nâi châ hlo hên ngế tro tâ COVID-19 pơlê pơla tá hâi ‘nâi xiâm kối tâ tú, kơxê lơ 29/10, Khu hnê mơhno hbrâ, mơdât pơreăng COVID-19 pơlê kong kơdrâm Plei Ku, kong pơlê Gia Lai hiăng ai mơ-éa pơkâ mâu bêng, cheăm, tíu cheăng pêi pro thâ mâu troăng hbrâ mơdât pơreăng.

Pơlê kong kơdrâm Plei Ku pơtối hlo ai ngế tro tâ COVID-19 tung pơlê pơla 

Khu hnê mơhno, tơplâ, mơdât pơreăng COVID-19 pơlê kong kơdrâm Plei Ku pơkâ kơvâ khăm pơlât thăm séa ngăn, kâng kơxái mơdât ôh tá ăm lo pa gong kơpong ai pơreăng ƀă klâ kơtăn tâi tâng tiú ai pơreăng, khăm ngăn po rơdâ mâu kơpong tơ’lêi pơreăng xông tâ tú vâ ti tăng ƀă mơdât tiú ki tâ tú, rĕng ti tăng klâ F0, F1 lo ing pơlê pơla; mơhnhôk kuăn pơlê a pơlê kong kơdrâm Plei Ku tâng tâ tơngê, kơ-o, ôh tá kâi hiâm troh a hngêi pơkeăng cheăm, bêng vâ test rĕng COVID-19 tê kơtê. Kơxê lơ 29/10, kong pơlê Gia Lai châ hlo 66 ngế yương tĭnh nếo ƀă 7 ngế vêh yương tĭnh ƀă SARS-CoV-2 lo ing kơpong pơreăng vêh a pơlê.

A Sa Ly tơplôu ƀă tơbleăng