VOV4.Sêdang - Tiô Khu hnê mơhno hbrâ, mơdât pơreăng COVID-19 kong pơlê Gia Lai, xêo troh 7 chôu hâi lơ 10/9/2021, kong pơlê Gia Lai hiăng xo mơheăm khăm ngăn ăm 5.242 ngế, tung mê châ hlo 11 ngế yương tĭnh ƀă SARS-CoV-2 klêi kơ’nâi pơlât prêi, ăm lo hngêi pêi ƀă pêi pro séa ngăn a hngêi. 2 ngế cho F1 tơdjâk troh khu ngế tro tâ a Hngêi pơkeăng kân. 1 ngế cho F1 tơdjâk troh khu ngế tâ tú tung khu lêng ki pêi cheăng rơkê pêi hnoăng cheăng kúa chá kơxu a pơlê kong kơdrâm Plei Ku nôkố dế klâ kơtăn tiô pơkâ. 1 ngế cho kuăn pơlê ing Pơlê kong kân Hồ Chí Minh vêh pơlê, hdrối mê hiăng djâ klâ kơtăn tơkŭm a hngêi ăm tơmối ối pơtê Tre Xanh.

Tiah mê, xêo sap ing hâi lơ 28/5/2021 troh 7 chôu hâi lơ 10/9/2021, tung kong pơlê châ hlo 522 ngế yương tĭnh ƀă SARS-CoV-2 (ai 56 ngế vêh yương tĭnh).

A Sa Ly tơplôu ƀă tơbleăng