VOV4.Sêdang - Xêo troh mơ’nui khế 10/2021, a kong pơlê Gia Lai ai lối 42.600 ngế pêi cheăng ing mâu kong pơlê, pơlê kong kơdrâm peăng Hdroh tơnêi têa vêh a pơxiâm ví pơreăng COVID-19. Kong pơlê Gia Lai dế tơkŭm tăng cheăng pêi ăm kơxô̆ mơngế pêi cheăng kố, vâ rak tơniăn tơdroăng rêh ối pơlê pơla drêng ai pơreăng xông tâ tú. Tung khế 10/2021, Khu pơkuâ cheăng pêi – mô đô̆i rong ƀă pơlê pơla Gia Lai hiăng tơdjêp ƀă mâu kong pơlê Bình Dương, pơlê kong kơdrâm Đồng Nai, Pơlê kong kân Hồ Chí Minh vâ ‘nâi tơdroăng kal vâ rah xo pêi cheăng ƀă tơdroăng kum dêi khu tê mơdró; pơtâng tối, mơhnhôk, pơkâ pêi ăm 4.200 ngế pêi cheăng vêh pêi cheăng.

Mot tung rơnó khí kơphế, mơngế pêi cheăng kô ai cheăng pêi

Tíu xiâm tăng cheăng pêi kong pơlê Gia Lai xuân hiăng tơkŭm po hên roh tăng cheăng pêi a mâu tơring, pơlê kong krâm, pơlê kong kơdrâm, tăng cheăng pêi ăm hrĭng ngế pêi cheăng. Nôkố, kong pơlê xiâm mot tung rơnó krí kơphế ƀă kúa chhá kơxu, rơpâu ngế pêi cheăng vâi krâ hdroâng kuăn ngo xuân môi tiah kô tăng cheăng pêi.

A Sa Ly tơplôu ƀă tơbleăng