VOV4.Sêdang - Kơxo lơ 30/9, a Tíu pêi cheăng Khu pơkuâ ngăn Đảng ủy Gia Lai, tung Rôh po hôp rôh má 5 Khu pơkuâ ngăn Đảng ƀô̆ kong pơlê hneăng má 16 po rơdâ, Khu pơkuâ ngăn Đảng hiăng tơkŭm po Rôh hôp tơbleăng mâu tơdroăng pơkâ ‘na hnoăng cheăng kăn ƀô̆ dêi khu pơkuâ ngăn Đảng ƀă Vi ƀan hnê ngăn kong pơlê Gia Lai sap ing hâi lơ 4/10. Ki nhên gá: Khu pơkuâ ngăn Đảng Gia Lai pơkâ ăm pôa Nguyễn Hữu Quế, ôh tá cheăng xếo tung Khu pơkuâ ngăn Đảng pơlê kong kơdrâm lăm xo dêi hnoăng cheăng pêi a Khu Pơkâ ƀă ‘no liăn cheăng.

Gia Lai: Tơbleăng pơkâ ‘na pơtroh kăn ƀô̆ pêi cheăng

Pơkâ pơtroh pôa Đỗ Việt Hưng, kăn pơkuâ Khu mơjiâng pro kế tơmeăm Gia Lai cheăng tung Khu pơkuâ ngăn Đảng ủy pơlê kong kơdrâm, pro kăn phŏ pơkuâ ngăn Đảng pơlê kong kơdrâm Plei Ku hneăng hơnăm 2020 -2025. Pơkâ ăm pôa Nguyễn Bá Thạch, kăn phŏ pơkuâ ngăn Đảng ủy tơring Čư̆ Pưh pơtê cheăng tung Khu pơkuâ ngăn Đảng ủy tơring, pơtê cheăng kăn phŏ pơkuâ ngăn Đảng ủy tơring Čư̆ Pưh ƀă xo pêi hnoăng cheăng a Tíu mơjiâng pro kế tơmeăm.

Pơkâ pôk pôa Võ Hoàng Bình, kăn pơkuâ ƀơrô Lĭ luăn Chính trĭ – Lịch sử Đảng, Khu pơtâng tối tơdroăng kal Khu pơkuâ ngăn Đảng kong pơlê pro kăn phŏ tối pơtâng tơdroăng kal dêi khu pơkuâ ngăn Đảng ủy kong pơlê.

Katarina Nga tơplôu ƀă tơbleăng