VOV4.Sêdang - Kơxê lơ 27/9, Vi ƀan hnê ngăn pơlê kong kân Hà Nội pơkâ hlá mơ-éa ‘na tơdroăng ki ‘mâi rơnêu mâu troăng hơlâ hbrâ mơdât pơreăng COVID-19 tung tơdroăng nếo nôkố a pơlê kong kân. Ki nhên gá, sap ing hâi lơ 28/9, Vi ƀan hnê ngăn pơlê kong kân ăm phêp pêi pro mâu tơdroăng cheăng, pơkâ thế mâu tíu tê mơdró, kuăn pơlê pêi pro kơtăng pơkâ 5K, pơklât thế quet mah QR ƀă mâu troăng hơlâ hbrâ mơdât pơreăng dêi Khu xiâm ngăn pơkeăng ƀă khăm pơlât ƀă pơlê kong kân, cho: pơtâp ivá pa gong la pôi tá tơkŭm luâ 10 ngế; Tíu xiâm tê mơdró; tíu tê mơdró hmân ếo, phom, têa kơlôn.

Kuăn pơlê hiăng châ vêh pơtâp ivá a gong nếo

Vi ƀan hnê ngăn pơlê kong kân pơcháu ăm Khu ngăn pơkeăng ƀă khăm pơlât tơrŭm ƀă mâu tíu pêi cheăng pơtối pêi pro séa ngăn ‘na khăm pơlât cho toê xo têa môh séa ngăn pơreăng 2-3 hâi môi hdroh a mâu tíu mơdât mot lo, tíu ki mơni kô tâ tú vâ hbrâ mơdât ki tâ tú dêi pơreăng; pơtối séa ngăn vâ pêi klêi tơdroăng ki pâk vaccine.

Katarina Nga tơplôu ƀă tơbleăng