VOV4.Xơ Đăng - Hâi lơ 15/12 pơxiâm po hneăng hôp tơpui tơ ‘na tơmeăm dêi Việt Nam  tê ăm kong têa ê 2021 ƀă tơdroăng pơxá: “Mơdêk tê phái veăng ‘mâi mơnhông ƀă mơdêk tơ-ƀrê cheăng kâ”. Hneăng hôp ai 2 rôh hôp tơpui tơdroăng tơdroăng ki kal, ƀă mâu tơdroăng, mê cho: Rôh tơ’lêi cheăng ƀă pơloăng mơnúa dêi mâutíu tê mơdró pơla kơ’nâi ai pơreăng COVID-19; troăng rơhlâ tê phái ăm kong têa ê veăng ‘mâi mơnhông ƀă mơdêk cheăng kâ.

Pôa Nguyễn Hồng Diên, Ngế xiâm ngăn tê mơdró pơkuâ hneăng hôp. Hneăng hôp tơpui tơdroăng Việt Nam tê tơmeăm ăm kong têa ê cho tơdroăng cheăng pêi rêm hơnăm xua Khu xiâm ngăn tê mơdró pơkuâ, tơrŭm ƀă mâu Khu xiâm, kơvâ cheăng ai tơdjâk tơkŭm po vâ pro hneăng hôp tơpui tơno pơla kơ koan tơrŭm cheăng tê tơmeăm ăm kong têa ê ƀă mâu khu  veăng tê tơmeăm ăm kong têa ê; troăng tơpui kâ ‘na troăng rơhlâ tŏng kum, pro tơ’lêi hlâu ăm tơdroăng mơhnhôk tê ăm kong têa ê; hlo mâu roh ki tơ’lêi hlâu, tơngah ăm mâu tơmeăm dêi Việt Nam châ tê ăm kong têa ê, veăng mơdêk ki tơ-briât tê dêi mâu tơmeăm pêi lo ƀă ‘nâi hbrâ rơnáu tung tê mơdró dêi khu mơdró tung tơdroăng tê tơmeăm ăm kong têa ê.

Gương tơplôu ƀă tơbleăng