VOV4.Sêdang - Tung mâu hâi ki kố, lối rơpâu ngế kuăn pơlê tung tơnêi têa [ă kong têa ê hiăng troh hyô ngăn a tơring Mù Cang Chải, kong pơlê Yên Bái vâ châ ngăn, châ hlo klâng kơlo ki dế troh rơnó báu tum le\m lih pá kâi tối. Tơdroăng ki hâk mơnâ, mơjo vâ dêi tơmối hiăng thăm pro ăm kuăn pơlê hdroâng mơngế Mông akố thăm pơtối rak vế dêi klâng kơlo, po rơdâ tơdroăng tơ’mot tơmối mot ôm hyô, veăng kum châ xo tơ’mot liăn ngân vâ kơdroh kơtiê. Đinh Tuấn, ngế chêh hlá tơbeăng cheăng tung Rơ’jíu kơpong Tây Bắc ai chêh tối ‘na tơdroăng mê.

Sap ing rơxông kố troh rơxông ki ê, túa pêi klâng kơlo dêi hdroâng mơngế Mông a Mù Cang Chải troh nôkố xuân ôh tá hâi hơ’lêh phá tơ-ê. Ki hdrối tâ, vâi tăng rah tơnêi ki chía vâ rơnâk krâ kơle\m, bê têa vâ tôh tung klâng. Klêi kơ’nâi trâ, văng loăng nhâ ăm i krúa le\m, mơngế Mông ngăn nhên ‘noăng klâng tíu ki vâ prôk ăm ga tơtro, vâ klêi mơjiâng pro ‘noăng klâng mê ah, ăm tơ’mô tơdâng dêi pó, ôh tá chiâng lôi tíu ki a’ngêi tíu ki a’nâi. Tơdroăng ki ‘ló iá akố, tung pơla po mơjiâng klâng kơlo, kuăn pơlê akố ôh tá eâ xúa loăng rêk vâ gât, mê vâi bu ngăn to [ă mâ, la tơtro khâp păng ‘nâng. Ngoh Giàng A Chu, cheăm Dế Xu Phình tối ăm ‘nâi: Klâng kơlo sap ing nah troh nôkố xuân ối pro tiah mê, nôu pâ hiăng hnê djâ ăm dêi kuăn ‘ne\ng pêi pro tiah mê. Pêi klâng kơlo ôh tá pá la xuân chía tơvâ hên cheăng. Hdrối nah, jâ pôa ‘măn ăm to lâi ‘noăng, nôkố a pêi tơ’nôm to lâi ‘noăng nếo. Pêi báu xuân bê kâ tung plâ hơnăm’’.

Lâp tơring Mù Cang Chải ai lối 2 rơpâu 20 ha klâng kơlo, tung mê, tơku\m hên cho 3 to cheăm La Pán Tẩn, Chế Cu Nha, Dế Xu Phình. Pái to cheăm kố ai lối 500 ha klâng kơlo ki ối châ rak vế môi tiah vâi krâ nah, châ kơde#n cho tíu ki le\m tơdro\m dêi tơnêi têa hơnăm 2007. Vâ pơtối rak vế klâng kơlo kố, mâu cheăm pơrá hnê tối, tơdjâ troăng ăm kuăn pơlê pêi i le\m. Pôa Hảng Xáy Chông, Kăn hnê ngăn Vi [an cheăm La Pán Tẩn tối ăm ‘nâi: Cheăm La Pán Tẩn ai lối 100 ha klâng kơlo. Cheăm đi đo hnê tối kuăn pơlê pêi klâng ăm i le\m, xuân athế rak ngăn i tơniăn, pro ti lâi pôi tá pro ‘mêi troh klâng kơlo dêi cheăm, vâ tơmối lăm troh akố hlo tơdroăng cheăng dêi kuăn pơlê, ối rak vế dêi túa tơlá, vêa vong tơná, vâ tơ’mot tơmối mot ôm hyô pơtối tung la ngiâ.

Hdrối nah, hdroâng mơngế Mông a Mù Cang Chải hmâ mơdâ pêt môi rơnó, nôkố hiăng lối 2 rơpâu 200 ha klâng kơlo hiăng pêi péa rơnó. Klâng kơlo nôkố tá xê bu kum to kuăn pơlê châ hluăn ing kơklêa kơtiê, mê ối kum tơ’mot tơmối rơhêng mot hyô akố, thăm pêi lo liăn ngân vâ kơdroh kơtiê. Pôa Lê Trọng Khang, Kăn pho\ hnê ngăn Vi [an tơring Mù Cang Chải tối ăm ‘nâi: Tơdrêng [ă tơdroăng thăm pêt rơnó ki ê, mê tơring xuân ối tơmiât troh tơdroăng ki vâ pơtối po rơdâ klâng kơlo a kơpong kố:Dế nôkố tơdroăng ki po rơdâ klâng xuân u ối. {ă mâu klâng ki hiăng ai pơtối châ rak vế, kô pơtối cho mơ’no têa ki nếo [ă ‘mot têa tung klâng, tơdroăng kố ngin dế ối tơmiât, hnối ‘mâi vê hdró [ă pêi pro tiô túa ki kố, mâu klâng ki hiăng mơjiâng ngin pơtối hnê mơhnhôk kuăn pơlê rak vế ăm i le\m.

Mù Cang Chải drêng kố dế le\m ó má môi ăm mâu ngế ki vâ tí tăng ‘nâi ple\ng ‘na klâng kơlo a kơpong a’ngêi. Mâu kơlo klâng ing ‘nâi troh a’ngêi, ngiât le\m tung pơla tâ tá cho ngo ngối, kong kế kân rơdâ. Môi tiah um ki xup châ mơjiâng ing kơpeăng ko\ng kơhnâ khât, rơkê ple\ng dêi rêm rơxông hdroâng mơngế Mông akố.

Nhat Lisa tơplôu [ă tơbleăng