VOV4.Xơ Đăng - Tung mâu hâi hiăng hluâ, hên kong pơlê tung lâp tơnêi têa pơtối châ hlo ngế tro tâ COVID-19 tâk. Kơxo lơ 30/12, a Nghệ An châ hlo 81 ngế nếo tro tâ COVID-19 a 13 tơring, tung mê ai 10 ngế tung pơlê pơla. Ƀă kong pơlê Hưng Yên, tung 2 hâi lơ 28 ƀă lơ 29/12, châ hlo 249 ngế yương tĭnh ƀă virus SARS-CoV-2. Ki tơtrŏng má môi, châ hlo hên ngế yương tĭnh nếo a mâu tíu ai pơreăng kŏng ti pêt mơjiâng tơmeăm tung tơring Tiên Lữ, Văn Lâm, pơlê kong krâm Mỹ Hào.

A kong pơlê Ninh Bình, tung hâi lơ 29/12, hiăng ai 29 ngế nếo yương tĭnh. Tung 2 hơnăm hiăng hluâ, kong pơlê Bắc Kinh xuân châ hlo 411 ngế nếo tro tâ COVID-19. Tiô tối hdrối tung la ngiâ kơxô̆ ngế tro tâ kô pơtối tâk rĕng drêng mâu tơdroăng cheăng kâ – rêh ối pơlê pơla tung mâu hâi mơ’nui hơnăm tâk hên.

A Sa Ly tơplôu ƀă tơbleăng