VOV4.Sêdang - Pơxiâm ing mơ’nui măng tĭng kố, mâu tíu xah hêi, tíu ôm hyô dêi Pơlê kong kân Hồ Chí Minh môi tiah Thảo Cầm Viên, Pơlê ôm hyô Bình Qưới, Kŏng viên Mơhno túa lĕm tro Đầm Sen kô lôu péa nếo vâ tơdah kuăn pơlê ƀă tơmối troh mot ngăn xah hêi. Kố cho tơdroăng ki hên ngế kuăn pơlê dế púi vâ dế tơkôm.

Mâu tơdroăng xah hêi pa gong a kŏng viên mơhno túa lĕm tro Đầm Sen kô vêh po nếo

Ing mê, pơxiâm sap lơ 6/11, kŏng viên mơhno túa lĕm tro Đầm Sen lôu péa tơdah kuăn pơlê mot ngăn. Tung mê, tâi tâng mâu tíu xah hêi, tíu xah hêi pá gong kô pơxiâm po, tíu tê mơdró ôu kơphế xuân veh po nếo, bu to tơdroăng xah hêi a hơdruê xuâng a plông hâi ăm po.

Laga, a pơla rôh apoăng kố, kŏng viên bú lôu péa a hâi tơdrốu ƀă hâi tĭng tê rêm măng tĭng. Mâu tíu ôm hyô mơqhno túa lĕm tro, pế pơchên hmê kâ môi tiah:  kơdrum Minh Tân (pơlê krâm Tân Bình), mâu tíu ôm hyô Văn Thánh, Tân Cảng, Bình Qưói (pơlê krâm Bình Thạnh) xuân hiăng tơbleăng kô lôu péa nếo.

Gương tơplôu ƀă tơbleăng