VOV4.Sêdang - Hâi lơ 27/10 a Hà Nội, Khu xiâm ngăn ‘na chiâk deăng ƀă mơnhông thôn pơlê tơkŭm hôp tơpui mơ’no tung măng Internet tung lâp tơnêi têa veăng hnê tối tung hlá mơ-éa Pơkâ kring vế ƀă tơdroăng tăng tơnăng ká xi xŏng  pơla hơnăm 2021-2030, ƀă mâu tơdroăng pêi pro troh hơnăm 2050. Ká xi xŏng cho tơdroăng cheăng kâ ki xiâm, rak vế tơdroăng ki kal tung mơnhông cheăng kâ dêi tơnêi têa, ƀă rế ton rế po rơdâ, rế tơ-ƀrê tâ, pê lo hên ƀă châ liăn hên.

Tơdroăng pơkâ tơchoâm dêi Pơkâ kring vế ƀă tí tăng tơnăng ká xi xŏng xiâm tơdroăng pro pơxúa ‘na ká xi xŏng tung pơla hơnăm 2021-2030, ƀă tơdroăng cheăng tí tăng tơnăng ká xi xŏng troh hơnăm 2050 pêi pro troh tơdroăng pro tơniăn ki tơ-ƀrê ‘na tơnăng, hlối rak vế, ‘mâi mơnhông xiâm ki pơxúa dêi ká xi xŏng, mơnhông tơ-ƀrê tơdroăng tơnăng ká krá tơniăn ton ƀă hlối ai hnoăng cheăng; kring vế tơniăn lĕm hyôh kong prâi, hmâ ƀă hyôh kong prâi, tơtro ƀă tơdroăng púi vâ tơrŭm cheăng lâp plâi tơnêi; kring vế tíu tơkăng kong a mâu kơpong têa kơxĭ, chuăn rơlố ki pin pơkuâ ƀă tơmeăm dêi tơnêi têa Việt Nam.

Gương tơplôu ƀă tơbleăng