VOV4.Sêdang - Hâi kố, po Hneăng hôp khu kăn Đảng [o# kong pơlê Dak Lak rôh má 17, hneăng hơnăm 2020 –2025. Hneăng hôp tơku\m po tung 3 hâi, sap ing hâi lơ 13/10/2020 troh hâi lơ 15/10/2020 [ă 349 ngế kăn teăng mâ ăm lối 80 rơpâu ngế đảng viên dêi 20 Đảng [o# ối tung kong pơlê veăng hôp. Vâ hbrâ ăm Hneăng hôp Khu kăn Đảng [o# kong pơlê, troh nôkố, khu pơkuâ ngăn Đảng Dak Lak hiăng pơkâ thế tơku\m po tơ-[rê Hneăng hôp Đảng [o# a tơring cheăm.

Hlá mơ-éa chêh ‘na Hneăng hôp hiăng châ mơjiâng tung tơdroăng ki séa ngăn kơtăng hnê mơhno dêi Tơnêi têa. Khu pơkuâ ngăn Đảng [o# kong pơlê hiăng mơjiâng túa pơkâ mâu ngế cheăng hneăng hơnăm 2020 – 2025, mâu tơdroăng pơkâ ‘na mâu ngế cheăng hbrâ rak tơniăn tiô pơkâ, kơxo# ngế, troăng hơlâ pơkâ, mơjiâng, kơxo# ngế cheăng tơkâ [ă hên ki ê tiô tro pơkâ dêi Khu xiâm pơkuâ tơdroăng kal kí [ă Khu pơkuâ ngăn Tơnêi têa. Khu pơkuâ ngăn Đảng Dak Lak ăm ‘nâi, Hneăng hôp xuân kô kơdroh hên tơdroăng tơdah xo reăng rơkâu vâ pôi tá pro mơhrê liăn ngân.

Pak^ng mê, Khu tơku\m po Hneăng hôp kô mơjiâng Tíu xiâm Hlá tơbeăng pro tơ’lêi hlâu vâ mâu ki chêh hlá tơbeăng pêi cheăng a Hneăng hôp tiô túa ki tơ’lêi hlâu má môi.

Katarina Nga tơplôu [ă tơbleăng