VOV4.Sêdang – Kơxê lơ 16/9, a Hà Nội hiăng po Hneăng hôp khu râ kăn xiâm ‘na mơnhông mâu ngế pêi cheăng ăm kơvâ pêi cheăng dế hơ’leh. Kố cho rôh hôp ki tơviah dêi mâu Khu xiâm ngăn cheăng pêi mố đo#i rong [ă pơlê pơla ASEAN [ă Khu xiâm ngăn hnê hriâm [ă mơjiâng tuăn ngoâ rơkê tơku\m po. Hneăng hôp châ po [ă 4 tơdroăng ki tơpui tơno pơxá: tơru\m cheăng ăm mơnhông mâu ngế cheăng; mơnhông mâu ngế pêi cheăng tung chal ki ai pơreăng; hnoăng cheăng pơkuâ dêi kơpong krê [ă tơdroăng ki mơnhông mâu ngế pêi cheăng; mâu troăng hơlâ hnê hriâm [ă hnê cheăng pêi hbrâ rơnáu ăm tơdroăng cheăng tung la ngiâ vâ mơdêk mâu tơdroăng dêi chal 21.

Ki xiâm dêi hneăng hôp kố cho vâ mơdêk tơru\m cheăng ASEAN ‘na mơnhông mâu ngế pêi cheăng tơtro [ă tơdroăng ki rơhêng vâ mơnhông dêi kơmăi kơmok; mơdêk tơru\m cheăng pơla ASEAN [ă mâu kong têa tơpui kâ, mâu khu ki to\ng kum tung mơnhông mâu ngế pêi cheăng; veăng kum mâu tơdroăng ki klêi kơ’nâi pêi pro ki nhên vâ ‘mot tung Hneăng hôp khu râ kăn xiâm ASEAN khế 11/2020.

Katarina Nga tơplôu [ă tơbleăng