VOV4.Sêdang - Khu pơkuâ tơdroăng cheăng Đảng kong pơlê Dak Lak hiăng tơku\m po Hneăng hôp Khu pơkuâ Đảng [o# kong pơlê roh má 43 (po rơdâ). Tiô tơbleăng a Hneăng hôp: Tung 9 khế hơnăm 2020, tơdroăng cheăng kâ – rêh ối pơlê pơla dêi kong pơlê Dak Lak pơtối ai troăng mơnhông mơdêk. Ki kơnâ GRDP châ lối 39 rơpâu rơtal liăn, tâk vâ chê 9% tâng pơchông [a\ roh kố hơnăm nah.

Pôa Bùi Văn Cường, Kăn pơkuâ hnê ngăn cheăng Đảng kong pơlê Dak Lak xông tơpui a hneăng hôp

Châ liăn tê tơmeăm ngi kong têa ê ai 405 rơtuh dollars. Xo hnoăng liăn ngân Tơnêi têa châ dâng 5 rơpâu 600 rơtal liăn, tâk lối 14% tâng pơchông [a\ roh kố hơnăm hdrối. Tơdroăng mơjiâng Đảng, khu kăn [o#, mơdêk ki rơkê dêi mâu ngế đảng viên pơtối châ tơmâng to\ng kum.

Xông tơpui a hneăng hôp, pôa Bùi Văn Cường, Kăn cheăng tung Khu xiâm Đảng, Kăn pơkuâ hnê ngăn cheăng Đảng kong pơlê pơkâ thế mâu khu cheăng, kơvâ cheăng, kong pơlê kal séa ngăn tơdroăng, ki châ tơ-[rê pêi pro hnoăng cheăng hơnăm 2020 vâ tơku\m pơkuâ, mơhnhôk pêi pro châ tơ-[rê mâu pơkâ, hnoăng cheăng hiăng pơkâ mơ’no.

Tơtro\ng rak ngăn ivá ăm kuăn pơlê, mơdêk ivá hbrâ mơdât pơrea\ng, thăm mơnhông tơdroăng mơjiâng Đảng, rak tơniăn cheăng kal kí, tơniăn pơlê pơla tung [a\ kơ’nâi tơku\m po Hneăng hôp khu râ kăn Đảng [o# kong pơlê [a\ Hneăng hôp Đảng lâp tơnêi têa roh má XIII.

A Sa Ly tơplôu [a\ tơbleăng