VOV4.Xơ Đăng - Kơxo lơ 6/12, pôa Phạm Minh Chính, Ngế pro xiâm hnê ngăn Chin phuh veăng ƀă xông tơpui hnê mơhno a Hneăng hôp tơpui tơno khu râ kăn xiâm tiah hmâ rêm hơnăm roh má pái ‘na pêi cheăng xúa kơmăi kơmok 4.0 ƀă dó inâi ‘’Rak tơniăn ƀă mơnhông mơdêk cheăng kâ – rêh ối pơlê pơla krá tơniăn rơxông kơ’nâi COVID-19 ƀă thăm mơnhông pêi cheăng xúa kơmăi kơmok, tiô rơxông nếo tung chal pêi cheăng xúa kơmăi kơmok’’ tiô troăng tơrŭm mơ’no tơdrêng tung um tơvi ƀă mơ’no tơdrêng tung um tiô troăng măng Internet xua Khu xiâm pơkuâ cheăng kâ pơkuâ.

Hneăng hôp khu râ kăn xiâm tiah hmâ rêm hơnăm roh má pái ‘na tơdroăng pêi cheăng xúa kơmăi kơmok 4.0

Hneăng hôp tơpui tơno khu râ kăn xiâm roh kố cho tơdroăng kal ki ai pơxúa ‘na kal kí, cheăng kâ – rêh ối pơlê pơla, kum po rơdâ pêi pro Pơkâ Hneăng hôp kăn teăng mâ lâp tơnêi têa roh má XIII dêi Đảng ƀă tơpui nhên vâ ăm mơjiâng troăng pêi, troăng hơlâ xúa kơmăi komok tung pêi cheăng, tơnêi têa pêi cheăng tiô rơxông nếo hneăng hơnăm troh hơnăm 2030, tơmiât pêi troh hơnăm 2045.

Tơdrêng amê cho tơdroăng pêi ki pơxúa kum tung tơdroăng pơkâ troăng pêi ton xŏn ƀă troăng hơlâ pro tơniăn, mơnhông mơdêk cheăng kâ – rêh ối pơlê pơla hneăng hơnăm kơ’nâi COVID-19 tiô Mơgêi dêi Hneăng hôp Tơnêi têa 4 hneăng má XIII ƀă hnê mơhno dêi Ngế pro xiâm hnê ngăn Chin phuh.

A Sa Ly tơplôu ƀă tơbleăng