VOV4.Xơ Đăng - Kơxo lơ (9/12) a hngêi hôp kân Diên Hồng cho hngêi hôp dêi Kuô̆k hô̆i ai pôa Nguyễn Phú Trọng, Kăn xiâm pơkuâ hnê ngăn Đảng, Ngế xiâm kal kí, Khu tơkŭm po hneăng hôp mâu kăn ƀô̆ tung lâp tơnêi têa tơpui mơgêi ƀă pơkâ dêi Tíu xiâm tơnêi têa ‘na mơjiâng ‘mâi hơ’lêh Đảng. Ki xiâm dêi hneăng hôp cho mơdêk tơkŭm tí tăng ‘nâi plĕng, tối mơgêi 21  tơdroăng ‘’ ‘Na mơdêk mơjiâng, ‘mâi hơ’lêh Đảng ƀă tơdroăng kal kí,  khŏm mơdât tah tơleăng mơnhên tí tăng ‘nâi plĕng kăn ƀô̆, Đảng viên ki rế ôh tá rơhéa ‘na tuăn ngôa kal kí hiâm mơno, tơdroăng rêh ối, mơhno ki mơhnŏng pro ‘’ƀă pơkâ 37 ‘na ‘’Mâu tơdroăng ki đảng viên ôh tá chiâng pro’’ dêi Khu kăn xiâm Đảng tung tâi tâng Đảng ƀă khu cheăng kal kí ing xiâm tơnêi têa troh cheăm bêng.

A hneăng hôp, pôa Nguyễn Phú Trọng tối nhên ƀă tơdroăng mơdêk tơplâ, mơ-eăm plâ hnâp khu ki ai tuăn ‘mêi; ôh tá xê to plâ mơdât kâ kơluâ, mê ối thế mơdât ki ki ‘mêi; mơdât tah, khŏm tơplâ, tơleăng mơnhên pơxâu kơtăng mâu ki ai tuăn mơno oh tá lĕm ‘na tơdroăng kal kí, tung rêh ối.

Gương tơplôu ƀă tơbleăng