VOV4.Sêdang - Tung 2 hâi lơ 6 ƀă lơ 7/10, a pơlê kong kơdrâm Kon Tum tơkŭm po Hneăng hôp kăn teăng mâ Vâi kơdrâi kong pơlê Kon Tum roh má XIV, hneăng hơnăm 2021 – 2026 ƀă tơdroăng ki veăng dêi 182 kăn teăng mâ  lối 115.000 ngế vâi kơdrâi lâp kong pơlê. Hneăng cheăng hiăng hluâ, Khu pơkuâ vâi kơdrâi kong pơlê Kon Tum hiăng đi đo pơ’lêh nếo tơdroăng xiâm, troăng pêi cheăng châ hên tơdroăng tơƀrê tung tơdroăng tơ’noăng ƀă hía hé.

Jâ Bùi Thị Hoa, Kăn phŏ hnê ngăn Khu xiâm pơkuâ vâi kơdrâi Việt Nam diâp Hneăng hôp um ai chêh chư ‘’Rŭm môi tuăn – Tơmiât pêi lĕm – Tơmiât pêi rơkê – Mơnhông mơdêk’’

Mâu khu râ Khu vâi kơdrâi kong pơlê xuân ai hên troăng pêi ki rơkê châ tơƀrê, môi tiah tơdroăng mơjiâng 24 ‘’Pơlê vâi kơdrâi hdroâng kuăn ngo kơxô̆ thôn pơlê nếo’’; mơjiâng nếo, rơnêu 65 toăng hngêi tuăn pâ ăm 65 rơpŏng khu pơkuâ vâi kơdrâi, vâi kơdrâi ai tơdroăng rêh ối pá puât ƀă tâi tâng kơxô̆ liăn lối 2 rơtal liăn; mơjiâng 60 túa pêi tơrŭm cheăng ƀă lối 1.000 ngế.

Têk kŏng tơbleăng Pơkâ hneăng hôp

Hneăng hôp kăn teăng mâ Vâi kơdrâi kong pơlê Kon Tum roh má XIV, hneăng hơnăm 2021 – 2026 hiăng rah xo 33 kăn teăng mâ tung Khu pơkuâ hneăng cheăng nếo. Jâ Y Phương vêh châ rah xo pro Kăn hnê ngăn Khu pơkuâ vâi kơdrâi kong pơlê Kon Tum hneăng hơnăm 2021 – 2026.

A Sa Ly tơplôu ƀă tơbleăng