VOV4.Sêdang - Kơxo lơ 2/7, a Hà Nội, pôa Nguyễn Xuân Phúc, Ngế pro xiâm hnê ngăn tơnêi têa pơkuâ Hneăng hôp mơ’no tơdrêng a um tơvi lâp tơnêi têa [a\ mâu kong pơlê, mơnhên tơdroăng cheăng kâ rêh ối pơlê pơla 6 khế a poăng hơnăm, po rơdâ pêi hnoăng cheăng 6 khế mơ’nui hơnăm 2018.

Xông tơpui pơxiâm po hneăng hôp, mâu tơdroăng ki má môi tung pơla kố nah, pôa Nguyễn Xuân Phúc, Ngế pro xiâm hnê ngăn tơnêi têa tối nhên, ôh tá ăm tơdroăng kuăn pơlê tô tuăn ton, tơdjâk troh tơdroăng ki tơniăn ton xo\n dêi tơnêi têa, troh tơdroăng loi tơngah dêi kuăn pơlê, troh rơxông kơ’nâi.

Ngế pro xiâm tối ăm ‘nâi, ai 18 tơdroăng xiâm kal tơku\m tơpui tơno, tung mê, ai tơdroăng pơkuâ ‘na liăn chu rơpâ yă, tơniăn cheăng kâ kân, mơnhông mơdêk kơmăi kơmok to\ng kum mơnhông pơlê pơla, cheăng kâ khu môi ngế, thăm pơxâu phâk mâu tơdroăng pro xôi, pro tơ’lêi hlâu tung mơ’no liăn cheăng, tơniăn lâp pơlê pơla [a\ mâu tơdroăng pơlê pơla tô tuăn [a\ hía hé.

Mơnhên tối ‘na tơdroăng cheăng kâ rêh ối pơlê pơla [a\ mâu tơdroăng ki tô tuăn…Tối ‘na tơdroăng cheăng kâ rêh ối pơlê pơla 6 khế kố nah, Ngế pro xiâm hnê ngăn tơnêi têa tối, tơdroăng cheăng kâ rêh ối pơlê pơla pơtối mơnhông mơdêk tiô troăng ki tơtro [a\ hơ’lêh rơkê hôm, tu\m têk mâu kơvâ cheăng, ki má lối cho GDP tơdế hơnăm tâk 7,08%. ‘Na mâu pơloăng mơnúa pơkâ tung la ngiâ, Ngế pro xiâm pơkâ mâu kong pơlê, pơlê kong kơdrâm, kơpong, kal ai túa ki tơtro tâ mê nếo tung hbrâ ví kong prâi hơ’lêh.

A Sa Ly tơplôu [a\ tơbleăng