VOV4.Sêdang - Hneăng hôp rôh má 4 Vi [an tơru\m cheăng pơla Việt Nam [ă Nhuk ‘na tê mơdró kâ - cheăng kơmăi - on tơhrik hiăng châ hôp mơ’no tơdrêng tung um tơvi a kơxê lơ 7/8, kơnôm ai tơdroăng pơkuâ ngăn dêi pôa Trần Tuấn Anh, Ngế xiâm ngăn ‘na cheăng kơmăi kơmok [ă tê mơdró tơnêi têa prế pôa Kajiyama Hiroshi, Ngế xiâm ngăn ‘na cheăng kâ tê mơdró [ă cheăng kơmăi kong têa Nhuk.

Péa ngế kăn xíâm hiăng vâ môi tuăn tiah kố, tơru\m tê mơdró, cheăng kơmăi [ă on tơhrik pơla péa pâ tung la ngiâ kal athế séa mơnhên ngăn tro tiô mâu tơdroăng  cheăng xiâm dêi rơkong tối tơbleăng tơdjuôm dêi mâu Khu xiâm ngăn ‘na cheăng kâ ASEAN-Nhuk ‘na ki hloh hlê vâ ‘mâi mơnhông pêi cheăng kâ, hbrâ mơdât ki tâ tú dêi pơreăng Covid-19 [ă Pơkâ ‘mâi mơnhông pêi cheăng kâ pơla ASEAN [ă Nhuk.

Xông tơpui a roh hôp mê, pôa Trần Tuấn Anh hiăng tối ‘ló khât hnoăng cheăng veăng kum dêi khu ki mơ’no liăn cheăng kong têa Nhuk tung tơdroăng thăm mơdêk tơdroăng pêi cheăng, veăng kum ăm Việt Nam veăng châ pêi cheăng, châ xúa ing mâu hnoăng cheăng mơdró kâ dêi kong têa Nhuk [ă lâp plâi tơnêi tung mâu hơnăm hdrối mê hía nah.

Nhat Lisa tơplôu [ă tơbleăng