VOV4.Sêdang - Ƀă dó inâi ‘’Thăm tơrŭm cheăng khu tơrŭm Kuô̆k hô̆i râ má môi xua mơnhông mơdêk krá tơniăn ƀă hbrâ ví tơdroăng ôh tá tơniăn xua COVID-19 a kơpong pái kong têa mơnhông mơdêk Kul - Lếo - Việt Nam ‘na kơpong pái kong têa mơnhông mơdêk, xua Kuô̆k hô̆i kong têa Kul tơkŭm po tiô troăng mơ’no tơdrêng tung um tơvi. Khu râ kăn teăng mâ Vi ƀan tơpui kâ dêi Kuô̆k hô̆i Việt Nam xua pôa Vũ Hải Hà, Kăn pơkuâ Vi ƀan pơkuâ xiâm veăng Hneăng hôp.

Hneăng hôp cho troăng tơrŭm cheăng tơdjuôm kal vâ kum hnê túa ki rơkê tơtro ƀă tơleăng mâu tơdroăng pơloăng mơnúa vâ mơhnhôk, tŏng kum pái Chin phuh mơjiâng môi kơpong pái kong têa mơnhông mơdêk kro mơdrŏng tâ, ki rơhêng vâ tối cho tah lôi mâu tơdroăng ki tơdjâk xua COVID-19 pro ƀă mâu tơdroăng cheăng kâ ƀă tăng cheăng pêi dêi kuăn pơlê tung kơpong, tơdrêng amê rĕng vêh pro tơniăn tiah hmâ tung la ngiâ achê.

A Sa Ly tơplôu ƀă tơbleăng