VOV4.Sêdang - Kơxo lơ 20/9, a tíu pêi cheăng Chin phuh, pôa Lê Văn Thành, Ngế pro xiâm phŏ hnê ngăn tơnêi têa pơkuâ hneăng hôp mơ’no tơdrêng tung um tiô troăng măng Internet ‘’Tah lôi pá puât, tơvâ tơvân ăm mâu khu tê mơdró mơjiâng pro a mâu kơpong hngêi kơmăi kơmok, kơpong cheăng kâ, kơpong mơjiâng pro, kơpong hngêi kơmăi kơmok rơxông nếo ƀă kơpong pêi cheăng xúa kơmăi kơmok'’.

Hneăng hôp tah lôi mâu tơdroăng pá puât, tơvâ tơvân ăm mâu khu tê mơdró mơjiâng pro tơmeăm a mâu kơpong hngêi kơmăi kơmok

Mơgêi roh hôp, pôa Lê Văn Thành pơkâ thế mâu khu tê mơdró hbrâ mơjiâng troăng vêh mơjiâng, tơniăn ăm mơngế pêi cheăng tung hbrâ mơdât pơreăng ing mơjiâng pro tơmeăm khoăng troh pơto tê; tơrŭm ƀă mâu kong pơlê vâ môi tuăn pơkâ pâk pơkeăng ăm kŏng nhân, pêi pro khăm ngăn rêm hneăng tiô pơkâ, tơniăn ôh tá ai F0 tung mơjiâng pro tơmeăm khoăng, pôu râng hnoăng cheăng a ngiâ kong pơlê, ôh tá ăm ai pơreăng tung pêi kâ.

Tơdrêng amê pơkâ Khu xiâm ngăn pơkeăng ƀă khăm pơlât kal ai pơkâ nhên xing xoăng vaccine a mâu kong pơlê ai mâu kơpong, hngêi kơmăi kơmok, hnê mơhno mâu troăng hbrâ mơdât pơreăng, tơniăn ăm mơngế pêi cheăng.

A Sa Ly tơplôu ƀă tơbleăng