VOV4.Sêdang - Kơxo lơ 20/4, a Hà Nội, pôa Nguyễn Xuân Phúc, Ngế pro xiâm hnê ngăn tơnêi têa  pơkuâ hneăng hôp mơ’no tơdrêng um tơvi lâp tơnêi têa tơpui ‘na tăng troăng kơdroh xahpá, tơvâ tơvân ‘na luât pơkâ tơdjâk troh tơdroăng ‘no liăn cheăng kâ mơjiâng pro tơmeăm khoăng.

Kố cho hneăng hôp ai pơxúa kal khât tung ‘nâi nhên ki pá, tơvâ tơvân tung ‘no liăn mơjiâng pro tơmeăm khoăng, ing mê, veăng kum Chin phuh, mâu khu xiâm, kơvâ cheăng pơkâ mâu troăng hơlâ tơkâ luâ xahpá châ tơ-[rê, mơnhông ‘no liăn cheăng mơjiâng pro tơmeăm khoăng, cho môi tung mâu tơdroăng pêi pro ki kal má môi dêi cheăng kâ.

A hneăng hôp, pôa Nguyễn Xuân Phúc pơkâ thế mâu Khu xiâm kơvâ cheăng tung mâu kong pơlê pơtối séa ngăn, pê klêi hlá mơ-éa chêh ‘na luât, tơniăn hên ngế vâ môi tuăn, tơdrêng tâi tâng khu cheăng ‘na luât ‘na rak ngăn ‘no liăn mơjiâng pro tơmeăm khoăng, teăm tăng troăng kơdroh tah xahpá, tơvâ tơvân, pro tơ’lêi hlâu tung ‘no liăn mơjiâng pro tơdroăng tơkêa ‘no liăn tro tiô pơkâ tơniăn le\m.

Gương tơplôu [ă tơbleăng