VOV4.Sêdang - Kơxo lơ  8/10, a Hà Nội, khu pêi tơdroăng cheăng dêi mâu kăn Vi ƀan pơkuâ cheăng Kuô̆k hô̆i tơkŭm po hneăng hôp tơbleăng tơdroăng hnê ƀă tuá hnê pêi cheăng ăm mâu kăn Kuô̆k hô̆i hneăng 15 ki châ rah xo rôh apoăng. Tơpui a rôh po hneăng hôp, pôa Trần Thanh Mẫn, Kăn xiâm phŏ hnê ngăn Kuô̆k hô̆i tối: Kăn Kuô̆k hô̆i cho mâu ki xiâm, tung tơdroăng pơkâ  troh ki tơ-ƀrê tơdroăng cheăng pêi dêi Kuô̆k hô̆i. Tơdroăng tơpui tơno pơ’lêh túa cheăng, tơ’nôm tơdroăng hlê plĕng, túa pêi cheăng cho môi tung mâu troăng rơhlâ tŏng kum mâu kăn Kuô̆k hô̆i mơdêk ivá cheăng, túa pêi cheăng, pơtối rak vế troăng rơhlâ tơná pêi cheăng, ki rơdêi dế tơrêm ngế.

A hneăng hôp, mâu kăn ki veăng hôp châ mâu ngế cheăng tối tơbleăng ai tối túa pêi cheăng ki tơdjâk troh mâu tơdroăng môi tiah: Séa ngăn ƀă vâ ’nâi tơdroăng ki rơkê lơ ôh tơdroăng tơkêa bro, Luât pơkâ; túa ki tối tơbleăng, tơpui tơno, tơpui tơpeăng ƀă tiâ khu chêh hlá tơbeăng a tíu hôp.

Gương tơplôu ƀă tơbleăng