VOV4.Sêdang -  Kơxê lơ 29/9, Khu xiâm kal kí mâu lêng Việt Nam ƀă Hô̆i đong tơpui tơno dêi Tơnêi têa tơkŭm po hneăng hôp Mơgêi Tơdroăng tơpui tơno - pêi pro ‘na cheăng lêng tung kring vế Tơnêi têa pơla hơnăm 2018-2021 ƀă kĭ tơdroăng tơrŭm tí tăng ‘nâi plĕng pơla hơnăm 2021-2026. A Hneăng hôp, 2 cơ koan hiăng kĭ  Tơdroăng tơrŭm cheăng pơla hơnăm 2021 -2026.

Ing mê, péa kơ koan kô tơrŭm tí tăng ‘nâi plĕng nhên mâu troăng rơhlâ tuăn tơmiât hnê mơhno, troăng rơhlâ pơkâ, luât pơkâ, troăng pêi pro, troăng tơleăng mơnhên tung pêi cheăng lêng, tơdroăng kring vế Tơnêi têa Việt Nam Xah hô̆i chuh ngiah tiô tơdroăng Pơkâ roh má 13 dêi Đảng, pêi pro tro tiô pơkâ, mâu tơdroăng ki nếo ‘na hnoăng cheăng lêng, kring vế tơnêi têa vâ pâ thế Khu xiâm kal kí, Khu kăn hnê ngăn Đảng pơkâ mâu troăng rơhâ, tơdroăng cheăng ‘na mơjiâng kring gak tơkăng kong, kring vế tơnêi têa tung tơdroăng nôkố.

Gương tơplôu ƀă tơbleăng