VOV4.Xơ Đăng - A Hà Nội, Khu hnê tối tơdroăng kal xiâm tơnêi têa tơkŭm po hneăng hôp  lâp tơnêi têa mơ’no tiô troăng hyôh Internet ‘na tơdroăng tơpui kâ; hnê tối ‘na têa kơxĭ, chuăn, hdró tíu tơkăng kong, tâp tơneăn hdró tíu tơkăng kong ƀă rak ngăn tíu tơkăng kong hơnăm 2021, tơbleăng tơdroăng cheăng pêi hơnăm 2022. Pôa Nguyễn Trọng Nghiã, Kăn hnê ngăn Tiú xiâm Đảng, Ngế xiâm ngăn tơdroăng kal kí pơkuâ hneăng hôp.

Tối mơgêi a hneăng hôp, pôa Nguyễn Trọng Nghiã tối hnoăng cheăng pêi rế kal dêi tơdroăng tơpui kâ, hnê tối ‘na têa kơxĭ, chuăn têa kơxĭ. Pakĭng mê ăm ‘nâi tơ’nôm, nôkố Việt Nam ối má 3 tung lâp plâi tơnêi tung tơdroăng pâk vaccine ăm rêm ngế rĕng má môi, tung ki tơ-ƀrê mê ai hnoăng veăng dêi mâu ngế cheăng tơpui kâ.

Ƀă mâu tơdroăng pêi pro kal thế mơdêk tơdroăng hnê tối vâ lâp plâi tơnêi hlê plĕng ‘na Việt Nam mê, loi a Việt Nam, pro tơ’nôm ki loi nhoăm ƀă um méa dêi Việt Nam a troăng cheăng ƀă lâp plâi tơnêi. ‘Na tơdroăng cheăng pêi hơnăm 2022, Ngế xiâm hnê tối tơdroăng kal kí tối nhên, tơdroăng hnê tối ‘na tơpui kâ pơtối pêi tro tiô troăng rơhlâ dêi Pôa: pêi tiô túa nếo la tro tiô khôi túa, vêa vong ki lĕm tro dêi hdroâng mơngế.

Gương tơplôu ƀă tơbleăng