Drêng troh rơnó pơtê hriâm, muăn Nguyễn Trần Minh Hiển, 10 hơnăm, ối a bêng Diên Hồng, pơlê kong kơdrâm Plei Ku châ dêi nôu pâ ăm lăm hriâm a lâm pơtâp ‘na túa rêh ối a Hngêi hnê pơtâp vâi hdrêng a kong pơlê Gia Lai.

Tung lâm ki mê, ai hên mâu tơdroăng ki hriâm, môi tiah: Túa ki vâ hbrâ mơdât xêh mâu tơdroăng ki kô trâm xía vâ, re\ng to\ng xo drêng tro klâk têa, tro on tơhrik hrik, pah po; túa ki châ hluăn ing xía vâ, tro rong, túa ki hbrâ mơdât drêng tro vâi ki ê ‘nêk mơ’nêa; túa rêh ối xêh môi ngế, tơná rak ngăn dêi châ [ă hlê ple\ng vâ pêi pro mâu tơdroăng ki ê, môi tiah pêt kơchâi, lăm pê peăm, gui ká [ă ki ê hía.

Muăn Hiển hâk vâ tơdroăng hriâm mâu túa ki mê, xua ga phá tơ-ê [ă mâu tơdroăng ki hnê tối tung lâm hriâm a hngêi trung, tíu ki muăn athế châ tâng, châ trâm hlo đi đo mâu tơdroăng ki hriâm [ă tơdroăng ki hriâm hên tơdroăng. Muăn Hiển tối:

‘’Ối tung hngêi trung á muăn hriâm chư, la túa rêh kâ ối mâu thái cô ôh ti hnê. A hngêi trung, á pói rơhêng vâ mâu thái cô hnê hên tâ ‘na túa rêh kâ ối. Á hâk vâ ‘nâng drêng châ hriâm mâu lâm ki hnê ‘na túa rêh kâ ối a hngêi hnê pơtâp vâi hdrêng. Lâm hnê ‘na túa rêh kâ ối kố, pâ á hiăng ‘nâi mê khoh ăm á lăm hrâm akố’’.

Rơtế ai tơdroăng ki tơmiât môi tiah mâu vâi hdrêng ngoh Trần Đức Cường, ối a bêng Đống Đa, pơlê kong kơdrâm Plei Ku ai kuăn hriâm lâm 7 tối ăm ‘nâi, tơdroăng hriâm dêi vâi ‘ne\ng dế kố lối pá ó ‘nâng. Xua mê, tơdroăng ki vâ tơpui kâ, túa rêh ối dêi mâu mâi muăn ôh tá châ hriâm túa ki ‘ló.

Tiô ngoh Cường tối, vâ kum ăm vâi hdrêng ‘nâi túa rêh kâ ối ki tơ’ló, pá k^ng tơdroăng kơdo mơ-eăm hnê tối dêi mâu nôu pâ, mê kơvâ ngăn ‘na hnê hriâm, mâu hngêi trung kal athế ai tơdroăng ki hơ’lêh, kal athế hnê tối tung lâm, hnê mơhnhôk mâu vâi muăn ‘nâi ple\ng túa rêh ối rêm hâi:

‘’Tiô á, kal athế ai túa ki hơ’lêh ‘na túa hnê hriâm. Malối [ă mâu vâi muăn hriâm râ má 1, má 2, má 3, kal athế kơdroh tơdroăng ki hriâm hlá mơ-éa, kal athế hnê vâi ‘nâi hlê túa rêh kâ ối ga ai pơxúa hên tâ. Ai hên mâu tơdroăng ki kal vâ tơpui kâ, ‘nâi hlê xêh tơdroăng rêh ối, athế ‘nâi klê têa [ă hên mâu tơdroăng ki ê’’.

Gia Lai dế kố cho môi tung kong pơlê ki ai kơxo# vâi ‘ne\ng ki tro rong râ hên má môi tung lâp tơnêi têa, ki malối cho tơdroăng ki tro klâk têa. Sap apoăng hơnăm troh nốkố, tung kong pơlê kố hiăng ai hên vâi muăn tro klâk têa, ai 4 ngế muăn hok tro râ má 2 a cheăm Ia O hiăng hlâ xua klâk têa a mơnui khế 3, lơ 2 ngế muăn hok tro xiâm 12 [ă 13 hơnăm a tơring Chư Pah tro klâk têa a tơdế khế 4 kố nah.

Thăm hnê djâ túa rêh kâ ối ăm vâi muăn cho tơdroăng ki kal. Jâ Lê Thị Hà, Kăn pơkuâ ngăn hngêi hnê pơtâp vâi hdrêng Gia Lai tối ăm ‘nâi, drêng pơtê, khu kố hiăng po lâm hnê ‘na túa rêh ối, hriâm mâu tơdroăng ki ai pơxúa ăm vâi hdrêng.

Tiô jâ Hà, tơdroăng ki tơku\m po mâu tơdroăng tiah mê cho pơxúa ‘nâng, la tá hâi teăm tu\m. Xua ga, kơxo# mâu vâi hdrêng ki châ hriâm ối iâ ‘nâng. Vâ pro ai pơxúa păng ‘nâng ăm vâi hdrêng tung lâp kong pơlê, mê kal athế ai tơdroăng to\ng kum, tơdroăng ki pơkâ hơ’lêh cheăng dêi pơlê pơla, malối [ă hngêi trung:

‘’Ti xê to môi to hngêi hnê pơtâp vâi hdrêng, môi khu cheăng kô hơ’lêh. Á pói tơngah, rơtế [ă pơlê pơla [ă khu pơkuâ ngăn ‘na hnê hriâm dêi hngêi trung athế rơtế veăng pêi pro hnoăng cheăng ki kố ăm mâu vâi o, veăng kum kơdroh ‘na tơdroăng tro rong râ, malối [ă ‘na tơdroăng ki vâi hdrêng hmâ tro klâk têa’’.

Ki păng ‘nâng ăm hlo, kal athế ai tơdroăng ki hơ’lêh dêi pơlê pơla, mâu nôu pâ [ă malối [ă mâi hngêi trung kal athế ‘nâi klê nhên ‘na túa rêh kâ ối, hbrâ mơdât tơdroăng tro rong ăm vâi hdrêng. Vâi hdrêng ôh tá xê to châ hriâm hlá mơ-éa, hlê ple\ng hên tơdroăng ki ê, mê ối kal athế ‘nâi ple\ng tung túa rêh kâ ối vâ chiâng mơngế ki rơkê.

Công Bắc chêh

Nhat Lisa tơplôu [ă tơbleăng