VOV4.Sêdang -Ô vâi krâ nho\ng o [a\ pú hmâ! Châ mơnhên 1 tung 15 to hngêi trung hnê cheăng pêi ki xiâm dêi lâp tơnêi têa, mâu hơnăm hiăng hluâ, Hngêi trung Kao đăng hnê cheăng pêi droh rơtăm hdroâng kuăn ngo Tây Nguyên hiăng tơdah [ă hnê ăm lối chât rơpâu ngế sinh viên, droh rơtăm mâu hdroâng kuăn ngo a Tây Nguyên. Tơdroăng ki ai hên kơvâ hriâm, tơdroăng ki hnê cheăng pêi a hngêi trung kố [ă tơdroăng ki mơnúa ngăn ivá cheăng a khu mơdró kâ, hiăng kum ăm rêm ngế sinh viên ki hriâm tơ’lêi rơkê [ă ai tơdroăng cheăng pêi klêi kơ’nâi hriâm.

Minh Châu, ngế chêh hla tơbeăng cheăng tung Rơ’jiu Việt Nam a Tây Nguyên ai [ai chêh ‘na tơdroăng ki châ tơ-[rê dêi hnoăng hnê cheăng pêi a Hngêi trung Kao đăng hnê cheăng pêi droh rơtăm hdroâng kuăn ngo Tây Nguyên.

Tíu xiâm hnê tin học ASIA a kơpong ki  le\m ‘ló má môi a troăng Lê Duẩn, pơlê kong kơdrâm Buôn Ma Thuột, kong pơlê Dak Lak, ‘na ngiâ pá tá cho hngêi trung Đại học Tây Nguyên. Tung mâu hơnăm tơxup hriâm tin hok hên, tíu xiâm hnê tin học ASIA cho môi tung hên hngêi trung hiăng pơkâ tíu cheăng tơniăn, la lâi xuân kơdrâm mơngế mot lo.

            Kăn pơkuâ hngêi trung Y Nuc Rahlan (kuăn ngo Jarai) [ă mâu ki pêi cheăng akố xuân hiăng hriâm klêi ing hngêi trung Hngêi trung Kao đăng hnê cheăng pêi ăm droh rơtăm hdroâng kuăn ngo Tây Nguyên.

Y Nuc Rahlan ăm ‘nâi, a Buôn Ma Thuột nôkố, tin hok cho tơdroăng cheăng ki hên ngế pêi, la xuân cho môi tơdroăng cheăng ki ôh tá tơniăn. Mơdêk pro hên xua tơdroăng kal vâ tung rêh ối [ă mâu tơdroăng cheăng pêi ‘na kơmăi kơmok hên. La gá ôh tá tơniăn, xua tâng mâu ki hriâm tơdroăng cheăng kố ôh tá rơkê khât, ôh tá hmâ pêi rêm hâi ôh tá hriâm mâu tơdroăng ki nếo ‘na tơdroăng cheăng nếo, kô re\ng tro mơ’no tah. Y Nuc Rahlan hiă châ tơ-[rê drêng ‘nâi tơmâng mâu tơdroăng hnê mơhno dêi mâu thái cô sap ing hâi apoăng nếo pơxiâm mot hriâm cheăng, mê cho tơdroăng mơhriâm [ă pơtâp thế kơdôu mơ-eăm kơhnâ khât:Tung pơla hriâm a hngêi trung á châ mâu thái cô đi đo hnê ăm á, drêng lo ing hngêi trung kô pêi ki klâi, hnê ăm mâu vâi pú lăm tơru\m cheăng, lăm troh a mâu kơpong hngêi kơmăi kơmok, tăng xêh cheăng pêi ăm tơná, pơtih pin po xêh tíu tê mơdró in, phô tô hlá mơ-éa. Mâu tơdroăng ki hlê ple\ng a hngêi trung cho mâu tơdroăng ki xiâm kal khât vâ pro xiâm ki vâ xúa drêng pêi cheăng.

Ngoh Y Nuc Rahlan, hdroâng kuăn ngo Jarai, kăn pơkuâ tíu xiâm hnê tin hok ASIA

Phá tơ-ê [ă tơdroăng tăng xêh cheăng, hriâm ‘na tin hok dêi mâu rơtăm Jarai Y Nuc, ngế droh H’Uy Niê, rah xêh môi tơdroăng cheăng pêi chiâk, mê cho cheăng uâ pơliê mơdiê kloăng ka kao. Hriâm rơkê, pêi cheăng kơhnâ, H’Uy re\ng châ tăng xêh cheăng pêi [ă châ xo kơxo# liăn pêi lo tơniăn a Ko\ng ti Ka kao Nam Trường Sơn, cheăm Ea Na, tơring Krông Ana, kơtăn hngêi ôh tá hơngế. Tơdroăng ki tơviah nếo, H’Uy [ă kăn pơkuâ Nguyễn Thị Nữ, 2 ngế ki pêi cheăng xiâm pơkuâ tơdroăng uâ mơdiê akố, xuân cho mâu ki hriâm rơkê kơhnâ nah hiăng hriâm klêi hngêi trung hngêi trung Hngêi trung Kao đăng hnê cheăng pêi ăm droh rơtăm hdroâng kuăn ngo Tây Nguyên hơnăm 2013, châ ko\ng ti Nam Trường Sơn rah xo mot cheăng klêi kơ’nâi lăm pơtâp cheăng a kố: Tung pơla ngin hriâm tơdroăng cheăng pêi xuân môi tiah [ă tơdroăng cheăng dêi ko\ng ti cho tơdroăng pơliê mơdiê kế tơmeăm pêi lo ing chiâk deăng, môi tiah kơphế, ka kao. Ngin châ hnê mơhno lăm troh akố vâ pơtâp cheăng, ko\ng ti xuân rơtế [ă hngêi trung vâ pro tơ’lêi hlâu ăm mâu ki hriâm, xo ah hmôi hiăng klêi pơtâp hriâm vâ mâu ki hriâm kô hmâ [ă tơdroăng cheăng, ah kô tơ’lêi tăng cheăng pêi.

 Tiô tơdroăng séa ngăn ‘na ki pơxúa lơ ôh dêi tơdroăng hnê dêi hngêi trung Hngêi trung Kao đăng hnê cheăng pêi ăm droh rơtăm hdroâng kuăn ngo Tây Nguyên, ai dâng 80% ngế ki hriâm, sinh viên châ tăng cheăng pêi drêng hiăng klêi mơhriâm a hngêi trung, Tung mê, ai lối 700 ngế hok tro, sinh viên châ lăm cheăng a mâu hngêi kơmăi pá gong kong pơlê, môi tiah a pơlê kong kân Hồ Chí Minh, Bình Dương [ă ai vâ chê 120 ngế vâi o châ lăm pêi cheăng a kong têa ê châ xo tơ’mot liăn hên.

          Tiô Rahlan VonGa, Kăn pơkuâ hngêi trung Hngêi trung Kao đăng hnê cheăng pêi ăm droh rơtăm hdroâng kuăn ngo Tây Nguyên tối, vâ kum mâu ki hriâm, sinh viên tơ’lêi hlâu tung tơdroăng chêh inâi hriâm [ă tăng xêh cheăng pêi, hngêi trung đi đo tơmâng tơdroăng rah xo hnê mơhno ăm mâu tíu ki kal tung kơpong, môi tiah uâ pơliê mơdiê kơphế, ka kao, kih thuât mơjiâng, kih thuât ‘mâi rơnêu kơmăi t^nh, kih thuât kơmăi pêi chiâk deăng, hnê pêt loăng plâi, pong rơgi um loăng [ă hía hé.

            ‘Na hngêi trung ối mơjiâng tơdroăng tơru\m krá khât [ă mâu tíu pêi cheăng, khu mơdró. Kố cho môi tung mâu hngêi trung pêi pro, chiâng túa cheăng ăm mâu ki hriâm, vâ mâu vâi o tơ’lêi hlâu tâ drêng tí tăng xêh cheăng pêi. Pôa Rahlan Von Ga ăm ‘nâi: Tung mâu hơnăm hiăng hluâ ngin ai môi veăng pơxá dêi [ơrô pêi cheăng, pôu râng dêi hnoăng cheăng tơru\m [ă mâu khu mơdró vâ hok tro klêi hriâm tâp [ă tăng cheăng pêi drêng hiăng klêi hriâm lo ing hngêi trung ah. Ngin hiăng k^ [ă vâ chê 100 mâu khu mơdró, tíu pêi cheăng dêi pú, tá hngêi trung [ă hngêi trung vâ pro tơ’lêi hlâu ‘na tơru\m pơla mâu hok tro, sinh viên [ă thái cô. ‘Na tơdroăng tăng cheăng pêi mê mâu lâm ki hiăng klêi hriâm ngin xuân krếo mâu khu mơdró ki hiăng k^ tơru\m [ă vâ kơ-êng tơdrêng mâu ki hriâm vâ xo vâi o mot cheăng.

Cheăng te#n hmôu 

Hriâm a hngêi trung, pơtâp pêi a ko\ng ti hiăng kum hngêi trung Hngêi trung Kao đăng hnê cheăng pêi ăm droh rơtăm hdroâng kuăn ngo Tây Nguyên mơdêk kơxo# mơngế ki hriâm tơdroăng cheăng [ă ai cheăng pêi. Ki pơxúa dế  tơ’mot hên vâ hngêi trung chiâng tíu ki rế ai hên mâu droh rơtăm a mâu pơlê dêi kơpong Tây Nguyên rơhêng mot hriâm .

Nôkố, tơdrêng [ă tơdroăng hnê cheăng pêi a râ kao đăng, trung kâp [ă sơ kâp sap 2 rơpâu troh 500 troh 3 rơpâu ngế hok tro sinh viên, [ă 20 tơdroăng cheăng, tung mê ai 5 tơdroăng cheăng châ tối hnê hôm râ tơnêi têa, 10 tơdroăng cheăng châ kơdeăn khe#n râ kơpong Đông Nam Á –ASEAN [ă 2 tơdroăng cheăng châ kơdeăn khe#n hnê râ tơnêi têa; hngêi trung Hngêi trung Kao đăng hnê cheăng pêi ăm droh rơtăm hdroâng kuăn ngo Tây Nguyên ối pêi pro mâu tơdroăng cheăng môi tiah: hnê mâu ki lăm pêi cheăng a kong têa ê; hnê tơru\m [ă đại học ăm mâu kơvâ cheăng pêi; tí tăng hriăn ple\ng ‘na khoa hok, xúa ki rơkê dêi kih thuât, hnê xúa kơmăi kơmok; pêi cheăng, tê mơdró.  

Hngêi trung Hngêi trung Kao đăng hnê cheăng pêi ăm droh rơtăm hdroâng kuăn ngo Tây Nguyên dế pêi pro môi tơdroăng vâ mơnhông mơdêk, drêng châ khu tơru\m cheăng KOICA dêi Hàn Quốc ‘no 6 rơtuh dollar vâ ‘mâi rơnêu mâu tíu pêi cheăng [ă kế tơmeăm hnê hriâm cheăng. {ă tơdroăng ki ‘no liăn mê, hngêi trung rơthăm châ hơ’lêh nếo tơdroăng hnê cheăng, ai tiô tơdroăng púi vâ hriâm cheăng, [ă pêi tơdroăng cheăng dêi khu droh rơtăm kuăn ngo Tây Nguyên, mơjiâng hngêi trung chiâng tíu xiâm hnê cheăng pêi ki pơxúa dêi kơpong [ă tung lâp tơnêi têa.

Gương chêh [ă tơbleăng