Troăng kân tung thôn tơdjêp troh thôn Phước Lộc 5 [ă tíu xiâm Vi [an cheăm Ea Phê xo\n vâ chê 7km. Hdrối nah, tíu ki kố cho troăng tơnêi [ă hên tíu kơhlong kơhlăng, rêm hdroh kong mêi tơnêi to trâp hliâk, kong tô mơdrăng to kơtâk kơlung kơlăng pro pá ăm tơdroăng prôk lăm dêi kuăn pơlê.

Khu lêng kuăn pơlê a tơring Krông Pac\, Dak Lak hiăng veăng ‘no hr^ng hâi pêi cheăng pro troăng prôk

Pôa Nguyễn Văn Sơn ối a thôn Phước Lộc 5, cheăm Ea Phê ăm ‘nâi, mơ’nui hơnăm kố, tơnêi têa hiăng kơjo kum ăm vâ chê 200 ta#n xơmong, lối 1.500 kho#i prêi hmôu, vâ pro troăng; malối, Khu pơkuâ ngăn lêng tơring Krông Pac\ hiăng mơhnhôk tăng hr^ng ngế kăn [o# mâu lêng [ă mâu lêng kring vế troh tơku\m ok [ê tông pro troăng. Sap ing troăng hiăng pro klêi pơxiâm xúa, ngiâ méa thôn pơlê akố hiăng hơ’lêh, tơdroăng prôk lăm dêi kuăn pơlê ôh tá trâm pá môi tiah hdrối nah xếo.

Pôa Sơn tối:

‘’Drêng tơnêi têa ăm liăn klêi mê kuăn pơlê rơtế [ă mâu lêng dêi tơring mơhnhôk thế rêm hâi 40 ngế troh pêi oh [ê tông, [ă dâng 10 hâi hiăng pro klêi troăng kân. Kơ’nâi ok bê tông kuăn pơlê sôk phiu, ngăn ngiâ méa thôn pơlê hiăng hơ’lêh tâi tâng, mâu kuăn ‘ne\ng kuăn cháu lăm hriâm oh tá tro trâp hliâk xếo a rơnó mêi, ôh tá kơtâk a rơnó tô mơdrăng, tơdroăng chơ tơmeăm pê lo ing chiâk deăng dêi kuăn pơlê ôh tá pá môi tiah hdrối nah xếo’’.

Teăng mâ Khu kăn Đảng lêng tơring Krông Pac\ hbru hdrê ro ăm mâu ngế kơtiê

Vâ pêi pro tơdroăng mơhnhôk ‘’Mâu lêng rơtế ’no ivá mơjiâng thôn pơlê nếo’’ tung hơnăm hiăng luâ, tơdrêng [ă tơdroăng pêi klêi hnoăng cheăng hnê hriâm hbrâ rơnáu vâ tơplâ mê mâu kăn [o# mâu lêng Khu pơkuâ ngăn lêng tơring Krông Pac\ ối pêi tro tơdroăng cheăng hnê mơhnhôk, veăng pêi kơhnâ khât mâu tơdroăng kal, tơdroăng pơkâ mơjiâng thôn pơlê nếo.

Thie#u u\y Nguyễn  Quang Tuyến, ối tung Khu pơkuâ ngăn lêng tơring Krông pac\, ngế ki veăng pêi kơhnâ tơdroăng mơhnhôk mơjiâng thôn pơlê nếo a tơring, ăm ‘nâi:

‘’Ngin tơru\m [ă mâu lêng ki ê mê cho: Đoân droh rơtăm, Khu ngăn kuăn pơlê pêi chiâk, Khu vâi kơdrâi pak^ng pêi cheăng veăng kơjo kum hâi pro troăng mê ôi veăng kum kuăn pơlê pôe báu, krí kơphế. Ngin nếo klêi séa ngăn a mâu rơpo\ng ki pá puât ‘na hngêi ối vâ kum vâi ‘mâi rơnêu dêi kuâ hngêi, bro mơnât vâ ai tíu ối le\m tâ. Pak^ng mê, rêm khế, rêm rơnó, ngin tơru\m [ă kuăn  pơlê tơku\m kơpuih văng krúa hyôh kong prâi, pro ăm ngiâ méa tâ tá krúa le\m tơniăn tro tiô pơkâ hyôh kong prâi…’’

Krông Pac\ cho tơring ki apoăng a Dak Lak pê klêi tơdroăng pơkâ mơjiâng thôn pơlê nếo a hơnăm 2020

Krông Pac\ cho tơring châ kong pơlê Dak Lak rah cho tơring ki mơnúa pêi dêi kong pơlê ‘na mơjiâng thôn pơlê nếo, [ă tơdroăng pơkâ ta troh tâi hơnăm 2020 kô pê klêi. Sap hơnăm 2015 troh nôkố, Krông Păch hiăng ai 9/15 to cheăm, pơlê kân pê klêi tơdroăng pơkâ ‘na tơnêi têa mơjiâng thôn pơlê nếo.

Tiô pôa Trần Hồ Tiến, kăn hnê ngăn Đảng tơring Krông Pac\, sap nôkố ta troh tâi hơnăm 2020, kong pơlê kô mơ-eăm pê klêi 6 tơcheăm  ki u ối cho: Ea Uy, Ea Yiêng, Ea Hiu, Hồng Tiến, Tân Tiến [ă Vụ Bổn, vâ tơniăn tiô pơkâ. Pôa Tiến ăm ‘nâi, vâ châ pêi pro tơdroăng kố, kal thế tơru\m ivá [ă dêi rơpó mâu khu râ kơvâ cheăng, mâu kuăn pơlê, tung mê, ai khu lêng mô đo#i Pôa Hồ tung kong pơlê .

‘’Mâu vâi pú pêi cheăng a Đảng [o# lêng tơring hiăng mơjiâng tơdroăng pơkâ vâ pê klêi tơdroăng pơkâ 19.1 rak tơniăn ‘na kring gak lêng. Pak^ng mê, mâu vâi pôa xuân ối hnê mơhno mâu chi [o# rah mâu tơdroăng cheăng pêi vâ kum ăm kong pơlê mơjiâng thôn pơlê nếo.

Mê cho: to\ng kum pro troăng prôk, hnê khoa hok kih thuât, kum kuăn pơlê hdrê pêt kum kuăn pơlê xut tah hrâ mơnguâ săm kơtiê, ing mê, kum ăm tơring pê klêi pơkâ mơjiâng thôn pơlê nếo’’.

Tie#n tă Nguyễn Tiễn Chức, Chính trị viên pho\ ngăn pơkuâ lêng tơring Krông Pac\ ăm ‘nâi, pêi pro tơdroăng mơhnhôk ‘’Mâu lêng tơru\m ‘no ivá mơjiâng thôn pơlê nếo’’ sap hơnăm 2015 troh nôkó, tíu pêi cheăng hiăng mơhnhôk vâ chê 1 rơpâu hâi pêi cheăng vâ pro lối 145 km troăng prôk; ‘mâi rơnêu, kui tah trâp lối 50km troăng cho mơ’no têa; ‘mâi sơng hngêi trung hriâm, hngêi pơkeăng cheăm, mơjiâng pro 15 toăng hngêi tuăn pâ kơnâ vâ chê 1,2 rơtal liăn ăm mâu rơpo\ng kơtiê, mâu ki ai hnoăng tơnêi têa ối kơtiê.

Malối, hiăng rah 15 ngế đảng viên lăm troh a cheăm veăng pêi cheăng [ă mâu khu Đảng dêi 15 to cheăm, pơlê kân, vâ kơjo kum mâu tơring cheăm pêi pro tiô pơkâ ‘na kal kí dêi Đảng [o# krúa le\m, ó rơdêi. Tung la ngiâ, tíu pêi cheăng kô kum ăm mâu cheăm pêi mâu tơdroăng pơkâ ‘na pêi pro klêi tro tiô tơdroăng hiăng pơkâ.

‘’{ă mâu cheăm ki hâi pê klêi, ngin kô rah mâu kăn [o# ki rơkê pơtối pêi cheăng [ă râ đảng vâ tí tăng ‘nâi ple\ng ăm mâu kăn tơring tung mơjiâng thôn pơlê nếo.  Pơtối hnê mâu lêng mơ-eăm pêi tơdroăng mơhnhôk mê.

Pak^ng mê, pơtối ‘no ivá vâ pro [ê tông drô troăng tung thôn, pro [ê tông drô thông mơ’no têa tung klâng, ing mê, kum ăm  mâu cheăm pê klêi tơdroăng pơkâ mơjiâng thôn pơlê nếo’’.

Tơkéa vâ tói, tơdroăng pêi mơhnhôk ‘’Mâu lêng rơtế ‘no ivá mơjiâng thôn pơlê nếo’’ dêi Khu kăn lêng tơring Krông Pac [ă tơdroăng pêi cheăng ki pơxúa khât hiăng pêi troh lâp lu, châ mâu râ kăn Đảng, mâu kăn [ă kuăn pơlê tơmâng xo [ă tối.

Kum tơdroăng pơkâ ăm Krông Pac\ chiâng tơring ki djâ troăng ahdrối dêi Dak Lak xuân môi tiah ối má péa a Tây Nguyên ‘na pê klêi mơjiâng thôn pơlê nếo klêi Đơn Dương dêi kong pơlê Lâm Đồng. Ing mê, mơjiâng krá kâk tơdroăng loi tung kuăn pơlê, kring vế tơniăn pơlê pơla cheăm bêng.

Tuấn Long chêh

Gương tơplôu [ă tơbleăng