Tung hngêi kơxo# 48 kơpho# Hàng Ngang, Hà Nội cho tíu Pôa Hồ chêh mơ-éa kho\m châ tơbriât tơniăn tơnêi têa krê a hâi lơ 28 khế 8 hơnăm 1945. Bu 1 rơpâu chư, la kố cho mâu kơtâ hlá mơ-éa ki ôh tá la lâi kâi phiu, hlá mơéa luât chêh ‘nâng ‘nâi, rơkê, tơtro, ai troăng hơlâ tiô luât krá tơniăn, ôh ti xê to tối rơdêi hnoăng pơkuâ tơnêi têa mê ối po ăm môi rôh chal ki nếo dêi hdroâng mơngế.

Tung mâu troăng chêh ki apoăng, pôa Hồ Chí Minh vêh chêh tối mâu rơkong Tơniăn krê dêi Mih [ă rơkong tối tơbleăng tơniăn krê ‘na Hnoăng mơngế [ă hnoăng dêi Pơhlăng tối nhên: ‘’Tâi tâng rêm ngế pơrá kot mâ ai hnoăng tơdâng’’. Pôa Hồ Chí Minh hiăng séa ngăn a mê, la tơmiât nhên tâ ‘na hnoăng kuăn mơngế tơtro [ă hnoăng hdroâng kuăn ngo, hnoăng ki pơkâ tơleăng xêh dêi hdroâng mơngế, hnoăng tơniăn krê dêi hdroâng mơngế Việt Nam.

Pho\ giăo sư, Tie#n sih Bùi Đình Phong, Giảng viên Cao cấp Học viện Chính trị Quốc gia Hồ Chí Minh tối leăng:

Pôa Hồ Chí Minh, kăn xiâm hnê ngăn tơnêi têa pin hneăng apoăng pơchuât Hlá mơéa Pơtâng tối tơbleăng Tơnêi têa tơniăn krê

‘’Pôa Hồ Chí Minh hiăng tơku\m péa túa hnoăng ki xiâm, mê cho hnoăng tơniăn krê dêi hdroâng mơngế [ă hnoăng tơniăn krê dêi kuăn pơlê vâ chiâng môi hnoăng ki xiâm dêi hdroâng mơngế. Ki xiâm dêi hnoăng dêi hdroâng kuăn ngo cho tơniăn krê hnoăng pơkuâ, môi tuăn [ă pơkuâ tâi tâng tơnêi tơníu.

Tơdroăng mê Pôa Hồ tối sap ing hơnăm 1945 la troh 15 hơnăm kơ’nâi mê, Khu lâp kong têa nếo mơ’no tối môi tơdroăng pơkâ ‘na diâp tơvêh tơniăn krê ăm mâu hdroâng mơngế. Troh khế 12 hơnăm 1970 mê Khu lâp kong têa pơtối ai môi tơdroăng pơkâ vâ tối nhên cho athế pêi pro hnoăng ki mê’’.

Tiô Hồ Chí Minh, hnoăng mơngế [ă hnoăng hdroâng kuăn ngo ai tơdjâk troh prôk vêh dêi rơpó. Hdroâng kuăn ngo tơniăn krê cho tơdroăng ki pơkâ vâ rak tơniăn pêi pro hnoăng kuăn mơngế [ă tơvêh a mê cho pêi pro tro hnoăng kuăn mơngế cho mơdêk mâu tơdroăng ki kơnía git [ă ai pơxúa dêi tơdroăng tơniăn krê hdroâng kuăn ngo.

Peăng mơ’nui dêi hlá mơ-éa tơbleăng tơniăn krê, Hồ Chí Minh hiăng mơnhên hnoăng hdroâng kuăn ngo tơdâng tơ’mô ki rêm ngế kuăn pơlê Việt Nam ai hnoăng châ pơxúa môi tiah môi tơdroăng ki khât. Giáo sư, Tiến sĩ Tạ Ngọc Tấn, kăn pho\ hnê ngăn Ho#i đong tơpui kâ Tơnêi têa tối tiah kố:

‘’Hnoăng châ rêh ối tung hơniâp le\m mê cho ivá mơ-eăm hơ’leh [ă mơheăm chhá, tuăn ngoâ dêi rơxông pâ, pôa. Drêng ai tơniăn krê mê Pôa Hồ tối nhên: ‘’Drêng tơnêi têa ai tơniăn krê la kuăn pơlê ôh tá ai tơniăn krê mê ôh tá ai pơxúa klâi’’. Vâ pêi pro tiô rơkong Pôa Hồ rơhêng vâ, mê cho tơdroăng ki mơ-eăm ôh tá pơtê, kân k^n dêi Đảng, dêi hdroâng kuăn ngo’’.

Ki le\m dêi hiâm mơno, tuăn hiâm mơ-eăm [ă rơhêng vâ tơniăn krê; kơhnâ tơplâ ăm tơdroăng ki tơniăn, tơniăn krê dêi kuăn pơlê Việt Nam, tối tơbleăng tơniăn krê hiăng tối nhên tơdroăng ki krih, tơdroăng ki pêi pro tro dêi hdroâng kuăn ngo Việt Nam, tuăn hiâm rơkê ple\ng ôh tá kâi hơ’leh dêi kuăn pơlê Việt Nam.

Hngêi kơxo# 48 kơpho# Hàng Ngang, Hà Nội

Tie#n sih Phạm Thị Thu Hương, kăn pho\ pơkuâ Tíu ‘măn rak kế tơmeăm Hồ Chí Minh tối nhên:

‘'Kăn xiâm hnê ngăn tơnêi têa Hồ Chí Minh tối tiah kố: ‘’rêm ngế kuăn pơlê pơrá ai hnoăng rêh, pơrá ai hnoăng tơniăn, hnoăng tơdroăng ki rơhêng vâ hơniâp ro’’. Mê xuân cho tơdroăng ki xiâm pêi pro troh dêi tâi tâng mâu kong têa tung lâp plâi tơnêi ôh ti xê krê Việt Nam. Pak^ng hnoăng pơkuâ [ă vâ pêi pro châ hnoăng pơkuâ ăm kuăn pơlê mê Tơnêi têa, Chin phuh xuân athế ai mâu tơdroăng pêi pro ki môi tiah mê. Mê cho tơdroăng ki mơjiâng môi Tơnêi têa tơtro hnoăng xah ho#i chuh ngiah dêi kuăn pơlê, xua kuăn pơlê [ă dêi kuăn pơlê. Mê xuân cho tơdroăng ki kal ki Tơnêi têa pin dế pêi pro’’.

75 hơnăm klêi kơ’nâi Pôa Hồ Chí Minh, Kăn xiâm hnê ngăn tơnêi têa pin hneăng hdrối pơchuât Hlá mơ-éa Pơtâng tối tơbleăng Tơnêi têa tơniăn krê, malối cho klêi kơ’nâi vâ chê 35 hơnăm tơnêi têa hơ’leh nếo, rêm ngế kuăn pơlê Việt Nam rế ‘nâi nhên tâ ki kơnía dêi tơniăn krê, ai pơxúa kân k^n [ă trâu hơngế tung tuăn hiâm Hồ Chí Minh ‘na hnoăng kuăn mơngế [ă hnoăng dêi rêm ngế hdroâng kuăn ngo. Mê xuân cho tơdroăng ki xiâm, tuăn hiâm ki tro dêi rêm hdroâng kuăn ngo, mâu kong têa tung lâp plâi tơnêi pơrá vâ pêi pro troh.

Lại Hoa/VOV

Katarina Nga tơplôu [ă tơbleăng