VOV4.Xơ Đăng - Kơxê lơ 24/11, pôa Lê Hoài Trung, Ngế cheăng tung Tíu xiâm Đảng, Ngế xiâm tơpui kâ dêi Đảng Kŏng sản Việt Nam ƀă pôa Tống Đào, Ngế cheăng tung tíu xiâm Đảng, Ngế pơkuâ khu Tí tăng ‘nâi plĕng ‘na tơpui kâ dêi Xiâm Đảng Kŏng sản Sinuâ, pơkuâ hneăng hôp mơ’no tơdrêng tiô troăng hyôh Internet tơbleăng tơdroăng Hôp xiâm má 4 hnăng 13 Đảng pin ƀă Hneăng hôp tíu xiâm má 6 hneăng 19 Đảng Kŏng sản Sinuâ.

A hneăng hôp, pôa Lê Hoài Trung tối Đảng ƀă Tơnêi têa Việt Nam đi đo tơmâng ƀă loi khât tiah kố, Đảng ƀă kuăn pơlê Sinuâ kô pơtối rak vế tơdroăng ki lĕm ton nah, pơtối pê klêi mâu hnoăng cheăng ki kân nếo tung tơdroăng mơjiâng chuh ngiah xah hô̆i ki lĕm krê dêi Sinuâ. Rôh kố, péa pâ khĕn kơdeăn mâu tơdroăng ki tơ-ƀrê tung tơdroăng tơrŭm pơla péa Đảng, péa tơnêi têa tung pơla hdrối kố nah; tơpui tơno mâu tơdroăng tơrŭm  cheăng tung la ngiâ.

Tung mê ai tơdroăng pơtối mơjiâng troăng tơkăng kong a tơnêi hơniâp lĕm, tơrŭm mơnhông mơdêk, kâi mơdât ki ôh tá môi tuăn a têa kơxĭ, veăng pro tơdroăng tơrŭm pơla péa Đảng, péa tơnêi têa ƀă kuăn pơlê péa tơnêi têa pơtối châ pê klêi mâu tơdroăng cheăng ki kân tâ nếo tung mâu hơnăm la ngiâ.

Gương tơplôu ƀă tơbleăng