VOV4.Sêdang - Hâi lơ 27/9, a Hngêi Kuô̆k hô̆i hiăng po hneăng hôp tơpui tơno kơ-êng mâu ngế rơkê ‘na cheăng kâ-rêh ối. Veăng hôp tơpui tơno mê ai vâ chê 80 ngế kăn cho mâu khu xiâm, kơvâ cheăng, khu tơrŭm cheăng lâp plâi tơnêi, mâu ngế rơkê ‘na cheăng kâ. Hneăng hôp tơpui tơno po mơ’no tơdrêng tung um tiô troăng hyôh Internet. Tơbleăng hdrối pơkuâ tơpui tơno, pôa Nguyễn Ức Hải, Kăn xiâm phŏ hnê ngăn Kuô̆k hô̆i tối, mâu tơdroăng veăng hnê tối a rôh tơpui tơno hâi kố cho ƀâng tối tơbleăng ki kơnía vâ Kuô̆k hô̆i pơkâ mâu tơdroăng kal dêi tơnêi têa ‘na cheăng kâ - rêh ối; hneăng hôp xuân cho tíu mâu ngế rơkê, mâu khu cheăng khoa hok, mâu khu rak ngăn vâ tối nhên khât troăng rơhlâ tơná tơniăn, hên tíu ki ngăn, pro pơxúa mơjiâng vâ mơnhông cheăng kâ rêh ối, pơlê pơla krá tơniăn ton.

Mâu ngế rơkê mâu khu cheăng khoa hok, mâu khu xiâm, kơvâ cheăng veăng hnê tối tơdroăng tung tơnêi têa, tơdroăng vâ pê klêi mơnhông cheăng kâ rêh ối pơlê pơla 4 khế mơ’nui hơnăm 2021, tá hơnăm 2021 ƀă mơjiâng pơkâ tung hơnăm 2022.

Gương tơplôu ƀă tơbleăng