VOV4.Xơ Đăng - Kơxo lơ 9/11, a Hà Nội, Khu ngăn cheăng kâ xiâm tơnêi têa tơkŭm po hneăng hôp tơpui tơno ‘na tơdroăng ki rơkê ƀă tuá vâ pêi cheăng xúa kơmăi kơmok tiô túa nếo troh hơnăm 2030 ƀă mâu tơdroăng cheăng vâ troh hơnăm 2045”. Hneăng hôp tơpui tối nhên, tối ‘na mâu tơdroăng ki tung pơla mâu tơdroăng cheăng pêi ki kân ‘dêi tơdroăng xúa kơmăi kơmok tiô túa nếo tung lâp plâi tơnêi ƀă tung kơpong. Ing mê, ‘nâi ƀă tơbleăng mâu tơdroăng tơmiât ƀă pơtối pêi ‘na kơmăi kơmok tiô túa nếo, hriâm kŏng ngê̆, luât pơkâ ‘na cheăng ƀă kơmăi kơmok tung lâp plâi tơnêi, ƀai hriâm ăm Việt Nam xuân môi tiah mâu túa pêi cheăng dêi lâp plâi tơnêi ‘na pơxiâm pêi cheăng ƀă hơ’lêh nếo tung hriăn plĕng ‘mâi mơnhông klêi kơ’nâi hiăng tâi COVID-19.

Tơkŭm tâi tâng tối tơbleăng mơnhông mơdêk cheăng ƀă kơmăi kơmok hơnăm 2020 ƀă mâu tơdroăng tối nhên, mơhnhôk luât pơkâ ăm Việt Nam, malối cho tung kơvâ pêi cheăng ƀă kơmăi kơmok, hriăn pro kế kâ, pro tơmeăm; túa ki vâ xĭng xoăng tơmeăm vâ mơdêk ki tơ-ƀrê ăm tơdroăng cheăng kâ, mơdêk tung pơla pêi cheăng xúa kơmăi kơmok ki dâi lĕm dêi tơnêi têa.

Gương tơplôu ƀă tơbleăng