VOV4.Sêdang - Hâi lơ 21/9/2021, Chin phuh Italia tơbleăng pơkâ tŏng kum tơ’nôm 796.000 kong kếo vaccine AstraZeneca ăm Việt Nam tơbleăng ăm pêi pro troăng COVAX vâ tŏng kum Việt Nam hbrâ mơdât pơreăng COVID-19. Pơkâ nếo má môi kố mơdêk kơxô̆ vaccine Italia tŏng kum ăm Việt Nam lối 1,6 rơtuh kung kếo vaccine, djâ Việt Nam chiâng môi tung mâu khu tơrŭm cheăng Châu Âu tŏng kum kân má môi ăm Việt Nam ing troăng COVAX.

Kố cho tơdroăng tŏng kum kơnâ ƀă teăm tơdrêng, mơhno hiâm mơno rŭm môi tuăn dêi Chin phuh ƀă kuăn pơlê Italia ƀă Việt Nam tung hneăng pá nôkố. Hdrối mê, hâi lơ 14/9/2021, Việt Nam hiăng tơdah 812.060 kung kếo vaccine dêi Italia kum ăm tơdroăng pâk vaccine hbrâ mơdât COVID-19.

A Sa Ly tơplôu ƀă tơbleăng